اتقوا الله وخلي في قلبكم رحمة.. أسما شريف منير ترد على مهاجميها بسبب الشعراوي

ردت الاعلامية أسما شريف منير علي تعرضها لهجوم شديد من بعض رواد السوشيال ميديا بعد وصفها للشيخ محمد متولي الشعراوي بالمتطرف في أفكاره عبر صفحتها على فيس بوك.

واعتذرت أسما شريف منير بأكثر من مرة علي ما بدر منها وكتبت تعليقا علي هجوم بعض متابعيها علي فيس بوك قائلة " لما لم اوفق في تعبيري عن احد آراء شيخنا الجليل، انتم شايفين ان الصح أني اتشتم كم الشتايم دي انا و اهلي، هل الصح انهم ينادوا بقطع عيشي، هل الصح إني اتحاكم و اتقتل و اتشنق ده كلام ناس بجد مش مجازًا هل بنتي تتيتم عشان قولت كلمه لم أقصدها و اعتذرت عليها، محدش فاهم يعني ايه تكون بتتهاجم من الآفات مره واحده بالعنف ده ".

واضافت أسما شريف منير: " كله بيفسر علي مزاجه، مره قالوا عليا راقصة و كلام قبيح اوي مش هعرف أقوله، و مره قالوا إني عايزه شهره و قالوا إن الدوله مخلياني اعمل كده و قالوا إني كافره و شتموني و شتموا أمي الله يرحمها و أبويا حتي اختي الصغيرة ، لو حد فيكم غلط اتنين تلاته هينصحوك او حتي هيتخانقوا معاك بس عشان انا تحت الأنظار في كم من البشر فاجأه قرارو يربوني و يجلدوني و في ناس بتقولي انا كنت بحبك و دلوقتي كرهتك، يبقي مكنش حب خالص بقي لو كنتي فعلًا بتحبيني كنتي لومتيني، فهمتيني او زعلتي مني و عتبتيني لأكن كرهتيني و بتشتميني كمان".

وتابعت أسما شريف منير " أنتي لو اختك غلطت كنتي عملتي معاها كده... في صحفيين مراعوش ربنا في كتابتهم للخبر، كل اللي همه السبق الصحفي انا اتعلمت كتير من الغلط ده و اتصدمت برضه كتير، يا ريت تتعاملوا مع الموقف زي ما دين الإسلام علمك، انا لو كنت كافره مش دي الطريقة الصحيحة لعقابي او هدايتي، اتقوا الله و خلي في قلبكم رحمه و مغفره و حب و تسامح زي سيدنا رسول الله عليه أفضل الصلاة و السلام، ربنا يسامح كل اللي غلط فيا، توكلت عليك يا رب و فوضت امري ليك".

وكانت أسما شريف منير قد تعرضت لهجوم شديد بعد وصفها الشيخ محمد الشعراوي بالمتطرف،ردا على أحد متابعيها عبر "فيس بوك".