EN
وجه علي لطفي حارس مرمى الأهلي، رسالة إلي شريف إكرامي، بعد قرار لجنة التخطيط بالأحمر، برحيله آخر الموسم الجاري مع انتهاء عقده.
وكان شريف إكرامي أعلن في وقت سابق الرحيل نهاية الموسم طمعًا في المشاركة الأساسية، هو ما وافق عليه مجلس إدارة الأهلي.
وكتب لطفي عبر حسابه الرسمي على موقع تبادل الصور انستجرام: "كابتن شريف إكرامي، لا أعرف من أين أبدًا، غير إنك فعلًا من أحسن وأنضف الشخصيات إلي عرفتها مش علي مستوي الكرة".
وأضاف: "حياتي كلها كنت دايمًا بتنصحني وبتدلني للخير ليا دايمًا وكان شرف ليا إني كنت قريب ليك في النادي استفدت منك كتير جدًا بره الملعب وجوه الملعب في كل تمرين وكل موقف كنت بتعلم منك حاجه انا قبل ما أجي النادي الأهلي".
وتابع: "كنت بحبك من تعاملاتك الراقية معايا في معسكرات المنتخب بس لما قربت منك ربنا يعلم أنت بقيت عندي إيه ومن أكثر الشخصيات الي أثرت فيا في حياتي ربنا يكتبلك الخير في خطوتك الجايه انت مكسب لأي مكان في أي منصب".
وأتم: "إن شاء الله هتبقي خطوه موفقه ليك مع إني ملحقتش اشبع منك السنتين تلاتة دول يا وحش إفريقيا يا محترم".
