EN 
فى حضنك ناس من كل وادى
لا مره كليتى وقلتى كلهم ولادى
من لجأ لينا مديناله القلب قبل
الايادى
ما مره قلتى ده واحد وافد ..
الكلام ده نسمعه من الجاحد
بص شوف حواليك وبوس دماغ والديك
كام مرة شافوا شقا عشان يحافظوا عليك
دا الوطن مش كلمة سهلة
الوطن يربطنا عرق ودم
وعيله وعيال وهيصة ما تتلم
فرحه نقسمها ما بين صحاب
قعده حلوه لجَمْعة الأحباب
شِعر وأغانى بتعكس الفرحة
وفرحة أمى وهى بتلبسنى طرحة
فرحة عريس ما بين صحابه
نزلة مطر مع ريحة حلوة
هزة شجر مع ناى يوماتى
مع صوت شجى ومغنواتى
وعنيا راحت لواد حليوه
ماشى يدب بصوت بيادة
هو الهوا هيبقه عاده
والعشق كل يوم بقه فى الزيادة
لقيت الفرح مالى حتته
جريت أستنى رجعته
رجع الحليوه ببدلته
وحكى كتير عن وحدته
عن كل واحد حامل شدته
يحمى حماها شرق وغرب
والله كلامه مس القلب
أصبح مثل أحكيه يوماتى
قصة بطل حافظ على الآتى
عشق البلد دا من الفريضة
أرضى وسما ملك لأولادى
وزخيرتى جاهزة لرقاب الأعادى
أرضى وعروبتى تربطنا صلة الدم
ولا عمر لاجئ يحتمى بأرضها ويتغم
وهيفضل وطن يلمنا ويضم
