EN 
زي ما الإنسان عنده مناعة عضوية مناعة قوية ضد اختراق الفيروسات عليه ، زي ما الإنسان بيحتاج إنه يكتسب مناعة نفسية ضد تحديات الحياة .
مجموعة من المعتقدات وطرق التفكير اللي بيعيش بيها الإنسان للتصدي للمشاكل الصغيرة والكبيرة طرق بتخليه يفسر الأمور بطريقة متزعجوش .
ممكن الإنسان يفقد شيء في حياته وينهار معاه لشهور كاملة مش قادر ينسي فقده للشيء، والأصعب لو فقد إنسان بموت أو يانتهاء علاقة ومع انتهاء العلاقة ينتهي الإنسان وكأنه يحتاج لشيء جواه يخليه قوي يخليه يقدر يواجه تحديات الحياة من مشاكل وأزمات ونقد وفقد .
الشخص اللي بيمتلك مناعة نفسية عنده القدرة علي التخيلات الإيجابية حتي لو كل حاجه حواليه بتوحي إلي غير ذلك ، شخص بيقدر يتعافي ذاتيًا من متاعب الحياة ، بيقدر لما يبقي عنده هدف يقعد يتخيل إنه بيحقق هدفه وبيكرم عليه .
الشخص اللي بيمتلك المناعة النفسية شخص متصالح مع الجميع بيتقبل أي رأي أو انتقاد دون التعصب .
المناعة النفسية هي جزء لا يتجزأ من المناعة العضوية ، لأنها تلعب دورا كبيرا في تقوية الجهاز المناعي .
لما الإنسان بيصاب بأي مرض يحتاج لمناعة نفسية تخليه يقاوم المرض ويرضي به ، وكمان يعتمد الشفاء علي المناعة النفسية بنسبة كبيرة .
المناعة النفسية مش معناها المثالية أو الكمال ولكن معناها إنك تتقبل الأخطاء ، والفشل ، والإحباط ، والانتقاد ، وبتصبح متصالح مع أي عيوب فيك وبتعيش ديما في سلام نفسي .
تعزيز المناعة النفسية يحتاج إلي :
* الإيمان بالقضاء والقدر الرضا بقضاء الله حتي لو فقدت شيء بتحبه واعلم أن الفقد ده يأتي معه الخير .
* تقبل الآراء حتي لو كنت بتختلف معاها .
* تقبل السيئ من الأحداث والأشخاص فهذه طبيعة الحياة .
* حاوط الأشخاص الإيجابيين لأنهم سيجعلونك تنظر للحياة بنظرة إيجابية .
المناعة النفسية هي اختيار كل يوم إنت اللي بتقرر هتعيشه إزاي .
