EN 
حرصت الأعلامية ريهام سعيد، على توجيه رسالة تفاؤل وأمل لجمهورها من خلال حسابها الرسمي على تطبيق "إنستجرام".
قالت ريهام سعيد: "ساعات بتحس ان انت ملكش مكان و مفيش حد فهمك ده مش عشان انت وحش ده عشان انت ربنا خلقك مختلف . هي فتره و هانقضيها بحلوها و مرها و فتره قصيره اوي حاول تستمتع بكل لحظه حتي بانك تتامل ملكوت الله و جماله . الحياه حلوه احنا الي مصعبنها الي يبيعك بيعه الي يستجدع معاك شيلوا فوق راسك. اللي بيدايقك ابعد عنه واترحم عليه".
إقرأ أيضًا:
وتابعت :" معكش فلوس؟ اكيد معاك الصحه و الستر الي ملهمش تمن؟ حاسس بالظلم و مخنوق ؟ بكره حقك يجيبلك لغايت عندك الدنيا دواره . حلمت و الحلم ماتحققش مفيش مستحيل اجتهد و ادعي. حاجات كتير راحت ؟ لسه حاجات كتيره تانيه حلوه جايه".
بينما إختتمت حديثها قائلة :"الدنيا مقفله معاك من كله؟ ربنا عالم و ان الله مع الصبرين اذا صبروا ربنا الي اكبر من اي حد مابينساش عباده و بكره احلي خلي بس قلبك حلو و ابتسم و قول يا رب . ربنا مابيخذلش عباده الصالحين . صباحكوا زي الفل و ان شاء الله انهارده اخلي من امبارح و بكره احلي و اخلي ربنا يحفظكوا و يعفيكوا . يا رب اشفي كل مريض و هون عليهم تعبهم و اغفر لهم وارفع عنهم هذا البلاء".
