EN 
عبّر الفنان أحمد وفيق، عن حزنه الشديد على فراق الفنانة رجاء الجداوي، بعد رحيلها عن عالمنا إثر إصابتها بفيروس كورونا.
وقال وفيق، في تصريح لـ "صدى البلد" :الله يرحمها ويصبر كل اهلها واحبابها اللي انا واحد منهم ويصبر الجمهور اللي بيعتز بيها .. الفنانة رجاء الجداوي حالة خاصة جدا .. قدرت انها تبقى جوه قلب المشاهدين العرب وشعبيتها تفوق ما نسمع عنه بكتير".
وتابع قائلًا: "عمري ما روحت بلد عربي إلا ما قالولي انهم بيحبوها حتى أسرتي في فرنسا وبنتي اللي اللغة العربية عندها على قدها جدا كلمتني بتبكي على وفاتها".
بينما اختتم حديثه قائلًا :"ربنا كان حاطت فيها القبول والحضور وكانت إنسانة شيك مش بس في الملابس لكن في التعامل وجابرة للخواطر .. عمرك ما تسمع إنها مزعلة حد، وعمر ما حد في كل الشغلانة بتاعتنا اشتكى من رجاء الجداوي في يوم من الأيام .. كانت عزيزة عليا وكانت بتحبني جدا ومتعاطفة معايا من اول بدايتي".
