الإشراف العام
إلهام أبو الفتح
رئيس التحرير
أحمــد صبـري
الإشراف العام
إلهام أبو الفتح
رئيس التحرير
أحمــد صبـري

شيطان شهوة في صورة كابتن إسكواش.. 3 فتيات يسردن محاولات التحرش بهن.. المتهم: لحظة ضعف مني.. والدة إحداهن: رفضت التقدم ببلاغات خوفا على سمعة ابنتي

صدى البلد

  • مفاجآت في تحقيقات تحرش مدرب إسكواش بـ فتيات وهتك عرضهن
  • المتهم: في لحظة ضعف حطيت إيدى على مؤخرة واحدة فيهم
  • الضحية الأولى: هددني إنه هيفضحني لو اتكلمت وقولت لحد
  • الضحية الثانية: ووقف ورايا وكان لازق في ضهري ولمس جسمي
  • الضحية الثالثة: حضني ولما زعقت عمل نفسه بيضحك معايا
  • والدة إحدى الضحايا: خفت أبلغ عشان سمعة بنتي


مفاجآت عديدة كشفتها التحقيقات في واقعة إحالة مدرب إسكواش بأحد النوادي الرياضية للجنايات، وذلك عقب اتهامه بهتك عرض 3 فتيات بالقوة والتهديد، بمباغتتهن وملامسة مواطن عفتهن وهن لم يبلغن 18 سنة ميلادية.


مدرب الإسكواش: لحظة ضعف
خلال تحقيقات النيابة العامة، اعترف المتهم حسين الإمام، مدرب الاسكواش، اعترافات تفصيلية قائلا: "كنت بلعب اسكواش وانا عندى 9 سنوات فى  نادي الشمس في مصر الجديدة، ودرست فى كلية تربية رياضية وبعد ما اتخرجت اشتغلت مدرب في نادي الزهور عام 2013، وبعدها دربت في نادي الشمس في 2014 وفي النادي الأهلي من شهر ۸ عام ۲۰۱۸ حتى عام ۲۰۱۹، وبعدها فضلت في نادي الشمس ومشيت منه في شهر 3 اللي فات ودلوقتي شغال في نادي وادي دجلة فرع المعادي ولغاية دلوقتي بدرب و في فترة النادي الأهلي كنت بدرب فريق تحت سن ۱۷ سنة وتحت سن 19 سنة وكان تحت سن ۱۷ سنة".


وأضاف: "كان معايا أعضاء الفريق وكان منهم بنت صغيرة عندها حوالي 16 سنة، ووالدتها طلبت من كابتن اللياقة البدنية "ن. ع أن يقوم أحد بتدريبها وقال لي وأنا وافقت، وكنت أحصل من والدتها على ٣٥٠٠ جنيه في الشهر وكنت أدربها بشكل خاص بمفردها خلال الفترة من شهر أغسطس عام ۲۰۱۸ إلى شهر فبراير عام ۲۰۱۹ وكنت أدربها 3 أيام في الأسبوع وبعد فترة من تدريبها تعرضت قدمها لشد بعد التمرين في المجمع الشهير، فجلست على الأرض ووضعت يدي على مؤخرتها لمدة ثوانٍ وأنا أقوم بعمل إطالات وكانت لحظة ضعف مني ومكنش حد شايفني وهي مكنش ليها رد فعل ساعتها، قلت ممكن تكون مش فاهمة عشان صغيرة ومشيت اليوم ده، والمرة الثانية كنت بادربها بعد التمرين كان جسمها شادد وخارج الملعب في طرقة فيها دكتين وقعدتها على الأرض وقمت بعمل إطالات وبرضه ضعفت ويدي لمست صدرها وهي لم يكن لها أي رد فعل، وفي مرة بعد ما فازت بمباراة في بطولة، حضنتها بس هي متضايقتش مني ومكنش قصدي ساعتها حاجة، وفي شهر فبراير عام ۲۰۱۹ انقطعت عن التمرين وتوقفت عن تدريبها وده كل اللي حصل".


أولى ضحايا الإمام: لمس أماكن حساسة
وأدلت الطفلة التى تعرضت للتحرش على يد المدرب، وهي طالبة بالصف الثالث الثانوي بأقوالها قائلة إن المدرب المتهم تحرش بها أكثر من مرة خلال التمرينات، متابعة: "المدرب المتهم اتصل بوالدتي بسبب قرب ميعاد البطولة وأبلغها إن في جيم في مجمع شهير، وإن میعاده الساعة ۸:۳۰ م، ولما وصلت عرفت إنهم بدأوا بدري، وإنهم قربوا يخلصوا وفعلا لعبت الجيم، ولما خلصت لقيته بيقولي أستناه علشان البطولة قربت وعايز يتكلم معايا برضه، ماما كانت مستنياني في العربية، وكنت همشي مع الناس اللي كنت بلعب معاها لقيته قرصني جامد، وقالي إنه عايزني، وأول ما الناس مشیت قام شاددني من شعري ووقعني على الأرض وفضل يضربني على الأرض، وبیکتم نفسي كل شوية وقام بالتحرش بى فى أماكن حساسة ونزع عنى ملابسى وعورني وهددني زي كل مرة، ويقولي إنه هيفضحي لو اتكلمت وهيسوء سمعتي، وأنا مشيت زي كل مرة وكنت واخدة القرار إني مروحش تاني خالص".


وأضافت الطفلة المجنى عليها في التحقيقات: "كنت في نادي الشمس علشان ألعب جيم مع واحدة من الفريق وماما كانت معايا وأثناء الجيم كان بيقولي إني بلعب وحش وأني متوترة ومن كتر التوتر اللي هو سببهولي أنا خسرت الجيم واتخانقت مع ماما وسابت الملعب وراحت استنتي في العربية والكلام ده كان حوالي الساعة 11 بليل، وهو ساعتها طلب مني إنى أغير هدومي علشان مبردش، ولما جيت أروح الحمام قالي إنه مقفول وأصر أنه مقفول وإني أروح أغير هدومي في أوضة بجوار الملعب بيحطوا فيها الكراكيب، وأنا صدقته وفعلا اتجهت ودخلت الأوضة وحطيت الكراكيب ورا الباب لأني كنت حاسة إن في حاجة غلط هتحصل ولبست تی شيرتين فوق بعض وطلعت علطول، ولما طلعت طلب مني أعمل استرتشات علشان متمزقش".


وتابعت: "ولما قعدت على الأرض علشان أعمل الاسترتشات جه قعد ورايا، وفجأة لقيته مسكني فأنا اتخضيت وتحرش بى وزقيت إيده وجريت في الملعب، ولكنه لم يتركني وطاردنى وشدني وفضل يضحك ويقولي انا معملتش حاجة ولوى إيدي وهددني، وقالى لو قلتي لمامتك مش هيحصلك كويس، ومامتك مش هتنفعك ولو عرفت هتضربك لأنها بتثق فيا، وشتمني وقال لي إنه محدش هيصدقنى علشان هو سمعته كويسة، ومرة واحدة وهو بيتكلم لقيته شدني جامد وحضني، فقمت دفعاه ورحت العربية لماما ومشينا وکنت خايفة جدا إني أتكلم في اللي حصل بسبب تهديده ليا، وانقطعت عن التمرين فترة كبيرة وكنت باتحجج إني مصابة وتعبانة".


الضحية الثانية: حسس عليا ولمس منطقة حساسة
قالت الضحية الثانية: "اللي حصل إنه من حوالي تسع سنوات كنت بتمرن اسکواش في نادي الشمس علشان كنت مقيدة بالفريق ساعتها والتوقيت دة كان "ح. ا" لعيب إسكواش وبيتمرن في النادي وكنت بشوفه أثناء التمرين ونعرف بعض، لكن مش معرفة قوية، وفي مرة وبعد انتهاء التمرين في النادي لقيته جايلي وأنا قاعدة في الصالة اللي فيها الملعب وماسكني من إيدي وبيقولي تعالي هوريكي حاجة، وأنا ساعتها كان سني صغير والفرق ما بينا كان كبير، استجبت لطلبه وقمت معاه ولقيته واخدني في ممر كده جوه الصالة اللي فيها اللعب بتاعت الاسكواش، ووقفني قدام سكينة الكهرباء، وخلاني واقفة في وشها وحط إيدي على البوكس اللي في السكينة، ووقف ورايا وكان لازق في ضهري وفضل يحسس بإيده على من تحت من عند وسطي لحد ما لمسني من تحت من قدام، وأنا ساعتها مكنتش فاهمة هو بيعمل إيه لأني كنت صغيرة، لكن أنا زقيت إيده ومشيت وسبته ومتكلمتش مع حد في حاجة ساعتها لأني مكنتش فاهمة حاجة".


وأضافت: "لكن بعد وقائع التحرش اللي حصلت خلال الفترة اللي فاتت لقيت صاحبتي اللي كانت بتتمرن معايا اسكواش في نفس النادي بتكلمني وبتسألني إذا كنت اتعرضت للتحرش قبل كده ولا لأ أثناء ما كنا بنتمرن، وساعتها أنا قولتها على اللي حصلي من "ح. ا" في النادي، واكتشفت إن هو عمل معاها نفس اللي عمله معايا، وقررنا ساعتها إن إحنا نكتب على الجروب بتاع نشرة أخبار الاسكواش في مصر اللي على الفيس بوك اللي حصل معانا، ولقيت صاحبتي التانية بتبعت لصاحبتي الأولى رسالة وقالت إن المدرب "ح. أ" تحرش بيها برضوا واتأكدت مننا بعدها قررنا نقدم شكوى".


الضحية الثالثة: حضنى في الحمام
روت الضحية الثالثة ما حدث معها من قبل مدرب الاسكواش المتحرش قائلة: "اللي حصل إني أنا كنت بتمرن اسكواش في نادي الشمس، وأنا عندي  11 سنة، وكنت مقيدة بفريق نادي الشمس، وكنا نتمرن بصالة الاسكواش التابعة للنادي اللي في شارع عبد الحميد بدوي بالنزهة والتمرين كان بيقي فيه المدربين بتوع النادي، وكل أعضاء الفريق من مختلف الأعمار وکنا بنتمرن مع بعض كلنا وقت القيام بالإحماءات داخل الصالة أو داخل الملعب على حسب عدد الأعضاء اللي موجودين، وساعتها كان بيتمرن معانا؛ لأنه كان من أعضاء الفريق ومن حوالي تسع سنوات وأثناء تواجدي بالصالة علشان كان عندي تمرين في صالة الألعاب الرياضية اللي موجودة في صالة الأسكواش، وساعتها كان بيتمرن في نفس التوقيت اللي انا بتمرن فيه".


وأضافت: "وفجأة لقيته بیقرب مني وقام حاضني من الخلف وتحرش بى وأنا اتخضيت في لحظتها، وقدرت أفلت منه وجريت لأني مكنتش فاهمة هو بيعمل إيه لكني حسيت إني في حاجة غلط، لكن أنا بعد ما جربت منه بره الصالة وكنت متوجهة للحمام علشان استخبا فيه لقيته خارج يجري ورايا وعمل نفسه بيضحك معايا، وقام ماسكني تاني بنفس الطريقة اللي مسكني بيها في الأول، وقام شاددني في ممر صغير جنب الحمام وفضل حاضني جامد قمت مزعقة جامد، وفضلت أنده على أي حد علشان ييجي، لكن هو مكنش في حد موجود قريب من المكان اللي كنا فيه لأن الحمام صالة الألعاب الرياضية دي مکانها تحت ملاعب الاسكواش وبابها بسلم لوحده، وبعده لما انا زعقت هو خاف وقام سابني ومشي وانا ساعتها اخدت بعضي ومشیت ومتكلمتش مع حد في الموضوع لأني مكنتش فاهمة بالضبط ايه اللي حصل لأنه وهو بيعمل كده كان بيضحك وعامل نفسه بيهرج معايا فأنا اترددت أني أتكلم مع حد وخفت أني لما حكي محدش يصدقني وبعدها انا كنت التمرين عادي كان بيتعامل عادي اني مفيش حاجة حصلت لحد لما بطلت تمرین خالص".


وتابعت: "الفترة اللي فاتت دي كلها كنت دايما بفكر في اللي حصل معايا، لكن مكنتش عارفة اتصرف أو اعمل ايه لحد لما لقيت اني في بنات كتيير بنكتب على الفيس بوك اني هما اتعرضوا لوقائع تحرش مختلفة و بيطالبوا أي بنت اتعرضت لوقائع تحرش أم يقدموا بلاغات، وبالذات اني كان في واقعة من قريب شبيهة بالحصل معايا وكانت أخباره الواقعة دي منتشرة على الفيس بوك وعرفت إن الولد اللي عمل كده اتحبس، فأنا ساعتها اتجرأت".


واستطردت: "كلمت صاحبتي لأنها كانت بتتمرن معايا في نفس المكان وتعرف "ح .ا"، وسألتها اذا كان تحرش بيها لما كنا بيتمرن ولا لا فلقتها بتقولي إنه اتحرش بيها وحكتلي هو عمل إيه معاها وأنا كمان وحكتلها عن اللي عمله معايا واتفقنا نعمل حساب مفبرك ونكتب اللي حصل على صفحة أخبار الإسكواش، وأنا قمت دخلت من حسابي الشخصي وكتبت أن انا كمان تم التحرش بي".


والدة ضحية: خوفت على سمعة بنتي مبلغتش
كانت المفاجأة في التحقيقات أن والدة الضحية رفضت التقدم ببلاغات ضد المدرب المتحرش، لأنها "كانت خائفة على سمعة ابنتها واستمعت إلى نصائح الناس من أصدقائها الذين طلبوا منها التكتم على الأمر ونقلها من النادي إلى ناد آخر وعدم الإبلاغ، إلا أن الضحية هي من طالبت والدتها بالإبلاغ عنه، بعد أن قامت عدد من الفتيات بالكتابة عنه على صفحة الإسكواش خاصة بالنادي، وقالت لوالدتها: "ناس كتير بتقدم بلاغات ضد متحرشين ومحدش بيعرفهم، وحكت عدد من الوقائع التى حدثت ولم يعرف أحد الضحايا".


وتلقت النيابة العامة كتابًا من المجلس القومي للمرأة يتضمن إبلاغ الفتيات الثلاث، عن هتك المدرب المذكور عرضهن والتحرش بهن بأماكن مختلفة، وشهدن بتحقيقات النيابة العامة بما ارتكبه المتهم قبلهن من أفعال، وأنه تعدى على إحداهن بالضرب، وكمم فاهها للحيلولة دون مقاومتها أثناء تعديه عليها، وهددها بالتشهير بها إذا ما أخبرت ذويها بما فعل، فامتثلت لتهديده، وأنهن آثرن عدم الإبلاغ عنه خجلا مما تعرضن له في أول الأمر، ثم قدمن ببلاغهن لاحقًا بعد أن ذاع أمره بمواقع التواصل الاجتماعي المختلفة.