EN 
أكد شوقي غريب المدير الفني لمنتخب مصر الأولمبي أن الفترة المقبلة سوف تشهد خوض أولمبي الفراعنة مباريات ودية استعدادا لـ أولمبياد طوكيو.
قال شوقي غريب على هامش المؤتمر الصحفي المنعقد حاليا فى استاد القاهرة "بوعد إننا هنعوض عدم خوض مباريات ودية فى شهر مارس الجارى".
تابع "الأجندة الدولية في شهر ٦ مدتها ١٥ يوم وهنحاول نلعب ٣ مباريات ودية على الأقل في الوقت ده".
وأضاف "كان عندنا محاولات مع الأرجنتين وأستراليا وجنوب أفريقيا وكنا هنتحمل الإقامة فقط وعندنا مدرسة أوروبا ملعبناش معاها".
واستطرد "مفيش فرقتين من قارة واحدة مع بعض في مجموعة من الأولمبياد يعني ممكن تيجي معانا فرقة واحدة في طوكيو ولازم نلعب مع مدرسة أوروبية".
وقال "لعبنا مع مدارس من أمريكا الجنوبية وآسيا وأفريقيا ومصر التصنيف بتاعها بين التصنيف التاني والتالت والسبب إننا في آخر ٥ بطولات تحت ٢٣ سنة صعدنا للأولمبياد مرة واحدة".
وقال شوقى غريب "اللي ممكن يخلينا تصنيف تاني إننا خدنا بطولة إفريقيا وده بيزود التصنيف ٥ درجات ولو وصل المكسيك وهندوراس هنبقى تصنيف تالت ولو وصل فرق تانية هتبقى تصنيف تاني".
وشدد شوقى غريب على أن المعسكر الأخير يبدأ ٥ يوليو وقال "بنشوف هنعمل معسكر داخلي أو خارجي ممكن نعمل معسكر جمب اليابان .. المعسكر ده هنشتغل بال٢٢ لاعب بس".
