أب بلا قلب.. قيد ابنته بالجنازير 3 سنوات داخل غرفة مهجورة بالدقهلية.. فيديو

"أي قسوة تملكته، أى ضمير سمح له أن يفعل ذلك بابنته التي تبلغ من العمر 15 عاما، ثلاث سنوات داخل حجرة مقيدة بالجنازير ولا أحد يعرف عنها شيئا، إلى أن سمع الجيران أصواتا وحركات غريبة داخل المنزل، ربما يكون هناك أشباح، ربما البيت مسكون".

ولكن كانت المفاجأة أنها ابنة جارهم، من فعل بها هذا يا ترى؟ للأسف الفاعل هو الأب. 

وفي قرية كوم النور التابعة لمركز ميت غمر بمحافظة الدقهلية، كانت المفاجأة، كان الوجع، كان الألم، طفلة حرمت من والدتها، حيث انفصلت عن الأب وتزوجت بآخر وتركت أبا لا يمتلك ضميرا ولا دينا ولا أي صفة تمت للإنسانية بصلة، حيث انفصلت والدتها عن أبيها منذ عشر سنوات وكان عمرها آنذاك خمسة أعوام، إلى أن قررت الأم أن تتزوج وتنازلت عن حضانة ابنتها للأب، وفجأة اختفت الابنة، الجميع يتساءلون: أين هي؟ فيجيب الأب أنها تقيم مع عمها في القاهرة، اقتنع الجميع أنها تعيش هناك ولا يعلمون عنها شيئا، ولكن حدثت المفاجأة أن الطفلة تعيش داخل منزل مهجور مقيدة بالجنازير تعيش وسط عذاب وألم  داخل هذه الحجرة المظلمة. 

تحدثت هويدا شعبان، إحدى السيدات التي اكتشفت الواقعة لـ"صدى البلد": "إحنا كلنا عارفين إنها راحت عند عمها زي ما أبوها بيقول، أبوها كان بييجي معانا يقعد وكل حاجة وما اعرفش أي حاجة إلا إن ابنته عند عمها في مصر وأمها متجوزة وهو عاطل ما بيشتغلش، من كام يوم سمعنا أصوات غريبة جوه البيت قلنا يكون في أشباح أو حاجة جوه، كلمت جيراني وقلت لهم طلع اثنين فوق السطح  عشان يشوفوا الصوت ده مصدره فين، فوجئوا إنه صوت بنت جوه الأوضة المقفولة، فتحوا الأوضة لقوها شهد متقيدة بالجنازير وجسمها كأنها طفلة عندها 7 سنين مش 15 سنة، منه لله أبوها اللي عمل فيها كده، حسبي الله ونعم الوكيل فيك يا مفترى".

وقال محمد علي، أحد جيران الطفلة: "لما حد من جيراني قال لي إن في أصوات غريبة من داخل البيت، أنا نفسي استغربت، أخدت واحد جاري وطلعنا فوق السطح من فوق، فوجئنا بصوت البنت وهي بتبكي، دخلنا بصينا لقيناها شهد متقيدة بالجنازير وخايفة، بقول لها: يا شهد مين عمل فيكي كده؟ قالت: بابا هو اللي عمل فيا كده من زمان، الطفلة بقت عاملة زي العظم من كثر اللي هي فيه من الخوف والقلق والرعب اللي أبوها عيشها فيه، أنا ما بخافش من حد أنا لما قررت أتكلم في القصة دي  عشان البنت الضعيفة المسكينة دي لازم حقها من أبوها ييجي، لازم حقك هييجي القانون وبالعافية".

وقالت الحاجة أم أحمد، إحدى جيران الطفلة: "أنا ماكنتش مصدقة اللي بيتقال إن شهد هي اللي جوه وإنها معمول فيها كده، إزاي طفلة زي دي غلبانة يتعمل فيها كده، منه لله أبوها العاطل اللي ما عندوش ملة ولا عنده دين،  ليه يعمل كده، إيه اللي بيحصل في الدنيا، المباحث جت وجابت شهد ودوها المستشفى عشان تتعالج وقبضوا على أبوها، إحنا عايزينه يتحاكم، إزاي يعمل كده فى بنت بريئة". 

وكان إخطار ورد لمديرية أمن الدقهلية من مركز ميت غمر يفيد بوصول الطفلة شهد، 15 عاما، مصابة بإعياء شديد وإصابات، حيث تم  تقييدها بالجنازير داخل إحدى الغرف المظلمة بقرية كوم النور التابعة لمركز ميت غمر. 

وتمكنت المباحث من ضبط الأب ويدعى “محمد. ص”، وتم عرضه على النيابة التي أمرت بحبسه 4 أيام على ذمة التحقيق. 

فيما قالت الطفلة أمام النيابة: “أنا مش عايزة بابا يتحبس، بابا عمل كده عشان هو خايف عليا، ما تحبسوش بابا”، وتحرر محضر بالواقعة.