جناح آدم.. شعر محمد رضا العوضي بالعامية ضمن "كتابات جديدة"

صدر عن الهيئة المصرية العامة للكتاب برئاسة الدكتور هيثم الحاج علي، ديوان شعر عامية ضمن سلسلة كتابات جديدة، بعنوان "جناح آدم" للشاعر محمد رضا العوضي.
ومن أبياته نقرأ:
ما كنتش أقصد
أسيب عيونها ف السما
وانزل غريب وسط الغلابه
الشجر واقف
يشعلق الموت فوق كتافهم
ينتصر ع الانتظار
من غير ملل

ومن قصيدة "غيبوبة":
العمر.. حتة من السراب
كل حواديت الغياب
بين اللي عدوا من هنا
وبين غيابك ع اللي لسه موجودين
إنت الحزين
شقيت ضلوعك
ضمهم وجع الهروب
اخترت تثبت في الغروب
مشهد فراق
الرمل.. عجز خطوته
هربت حبيبته م الصور
فيضم إيده.. يبتسم
ويسيب في كوم الرمل
قفلة المشهد
بتلفظ النفس الأخير.