عمر كمال ينشر فيديو مع حمو بيكا.. وتعليق ناري من هاني شاكر

علق الفنان هاني شاكر، نقيب الموسيقيين على مقطع الفيديو الذي نشره أمس عمر كمال وحمو بيكا، حيث قال فيه حمو بيكا لـ عمر كمال : "عايز عربية بنتلي هدية"، قائلاً: "فيه حالة من تقليل صورة الفن والفنانين المصريين".

وأضاف هاني شاكر في مداخلة هاتفية مع برنامج "آخر النهار" المُذاع على فضائية "النهار"، قائلاً: " النقابة بتستنهض اليوم بكل القطاعات المختلفة الموجودة في جمهورية مصر العربية .. وان كلنا لازم نتحمل المسئولية".

وتابع "وكل جهة تقدر تمنع هذا الاستخفاف وهذه السلوكيات التي لا تليق بإسم مصر ولا بفنانين مصر .. النقابة مش هتقدر تعمل كل حاجة لوحدها".

وواصل هاني شاكر قائلا: "عايز الدولة كلها تقف معانا .. احنا مش ضد الفن احنا ضد اللي بيعملوه وضد اللي بيقولوه .. لكن المزيكا مفيهاش عيب، والإيقاع مفيهوش عيب .. لكن العيب إن أنا أقول كلام خارج مينفعش أطفال يسمعوه أو يرددوه".

وأردف نقيب الموسيقيين: "اللي حصل من عمر كمال ده أكبر دليل على انك عارف انك بتعمل جريمة هنا في مصر ورايح تصلحها هناك في السعودية لأنها أرض طاهرة"
واستطرد هاني شاكر: "احنا بنتعامل معاهم كأننا في حرب مقدسة".