ما تحسسوناش بالعجز وإحنا مش قادرين نأكل ولادنا الأكلة دي.. رسالة عزة مصطفي للشيفات فى رمضان

وجهت الإعلامية عزة مصطفى، رسالة هامة لـ مقدمي برامج الطبخ التي تعرض في شهر رمضان المبارك، وقالت :" كل سنة و الجميع بخير.. هقول كلمة بس يا ريت ما حدش يزعل مني.. نفسي اللى بيقدم برامج طبخ يراعى الأكلات الاستفزازية، يعنى بلاش أكلات استفزازية ومش موجود فى المنازل".

وتابعت الإعلامية عزة مصطفى، :" ياريت نراعى عدم تقديم وصفات لأكلات استفزازية للمواطنين، و بلاش تخلقوا طبقة استهلاكية في المجتمع، و ما تحسسوناش بالعجز وإننا مش قادرين نأكل ولادنا الأكلة دي".

وأضافت عزة مصطفى خلال برنامج “صالة التحرير” على قناة صدى البلد " في رمضان بتزيد برامج الطبخ، و " والله يا جماعة أنتوا بتطلبوا حاجات لأكلات إحنا منعرفهاش، انزلوا لمستوى الطبقات المتوسطة وقولوا وصفات لأكلات متاحة وموفرة، وياريت نراعى ظروف الجميع".

وأشارت إلى أن العالم يعانى من ارتفاع فى الأسعار، و الدولة تعمل على توفير السلع للمواطنين، وتقوم بمجهود كبير من أجل ذلك، و البعض يقدم برامج طبخ استفزازية، ويقولى "يا حلوته يا جماله".

وأوضحت :" لو مش هتحسسني إني مش قادرة أقدم لولادي الأكلات اللي بتقدموها، يبقى انتوا مش بتشتغلوا صح، اعمل حساب أنها تبقى موجودة، وفى متناول الجميع، والطلبات تكون موجودة فى منازلنا".

وطالبت عزة مصطفى من قناة صدى البلد، :" ياريت السياسية الخاصة ببرامج الطبخ بالقناة ترعى هذا الكلام كاقتراح وطلب".

وأنهت كلامها عن برامج الطبخ قائلة :" ياريت وانا فى البيت أشوف أن الطلبات تكون موجودة فى بيوت 80 أو 85 % من المواطنين.