EN
أشاد الجمهور بالفنانة رحمة أحمد، التي تؤدي دور “مربوحة” بـ مسلسل “الكبير اوي الجزء السادس”، بعد انتهاء أحداث الحلقة الخامسة من المسلسل.
وجاءات تعليقات الجمهور كالتالي: "ايه ده ؟ ايه العسل دة يابنتي ؟ مش طبيعية
#رحمة_أحمد اكتشاف عظيم جديد لأحمد مكي اللي كان سبب بعد ربنا في نجاح بيومي فؤاد واحمد فتحي ومحمد سلام وهشام اسماعيل ومحمد عبدالرحمن وشيماء سيف".
كما تضمن تعليق آخر، على الاتي: "البنت دي إسمها رحمة أحمد.. قبل عرض المسلسل مصر كلها ماكنتش قابلة وجود حد غير "هدية" دنيا سمير غانم.. بعد عرض المسلسل أثبتت إنها ممثلة شاطرة أوي وإن أي حد بيطلع من مركز الإبداع الفني بيبقى ممتاز.. ولنا في محمد سلام "هدرس" ومحمد فراج وهشام اسماعيل "فزّاع" مثال، تحية كبيرة للمجهود والمعافرة والوصول بدون واسطة والله".
وعلق اخر قائلاً: “أنا أول ماعرفت إن رحمه أحمد هتعمل دور مرات الكبير أنا قولت إيه الجرأة دي ؟ .. لإن بحكم معرفتي بالجمهور كنت متأكد إنهم هيقارنوا بينها وبين دنيا سمير غانم اللي بقت أيقونة في مسلسل الكبير وبطولتها.. لكن لما عرفت إنها ممثلة مسرح كنت متأكد إنها هتكون عظيمة وهتكون مميزة”
وتابعت قائلاً: "وهنا يجي دور المسرح وممثل المسرح وكنت بدافع عنها في الكومنتات وبقول للناس أحكموا لما تشوفوا كنت واثق فيها لإن الفرصة دي مكانتش صدفة وواثق فيها لإنها داست مسرح .. المسرح يكسبده بيديني أمل أن بكرة أحلى ولسه الفرصة جايية.. فرحتي بيها كبيرة مش مجرد إنها موهوبة وشاطرة وأخدت فرصتها وكمان إنها جاية من المسرح وتعب وسعي وشبهنا كلنا في سعينا فده بيدينا أمل في بكرة إن هيكون في موهوبين وإن المسرح راجع".
