EN 
قال رضا عبد العال، نجم الأهلي والزمالك السابق: إن بعض المدربين لديهم قناعات أن "الأعمال والسحر" يفرق في نتيجة المباريات.
وأضاف فى تصريحاته لبرنامج البريمو: "كان معمولي عمل وانا في الزمالك, كنت بنزل أشوف الفرقتين لابسين أبيض، بمجرد ما أحط رجلي الملعب أقسم بالله أشوف الفرقتين لابسين أبيض، كنت أشوف أشرف قاسم ورايا وأشرف قاسم قدامي، عصام مرعي جنبي وعصام مرعي قدامي، إسماعيل يوسف جنبي وقدامي، أقسم بالله حقيقة، كابتن فاروق جعفر حي يرزق والكابتن سمير السيد الله يرحمه هما اللي اكتشفوا الموضوع ده، أول ما ألمس الكورة مش عارف أدي لمين.
وتابع عبدالعال: اللي عاملي العمل طلعت واحدة من العيلة، عشان كانت عايزة تجوزني بنتها، والكابتن فاروق جعفر والكابتن سمير هما اللي خلصو القصة دي، وبعدها محصليش الموقف ده تاني الحمد لله ، وانا مدرب مروحتش لمشايخ لكن في مدربين بيروحوا على طول، وفي مدربين لغاية دلوقتي بيؤمنوا بالحاجات دي، لكن وانا بلعب في الأهلي والزمالك ملجأناش لحاجة زي دي، ده لو العفاريت قدامنا كنا بنكسب، وخلي الطابق مستور عشان الناس هتزعل مني
وأكمل : وربنا مرة واحد نسي التيشيرت اللي بيحضر بيه الماتشات بعد ما وصلنا الاستاد وكان عايز يرجع الاتوبيس عشان نجيبه ويومها كسبنا 4 - 0".
وكان الكابتن رضا عبد العال، نجم النادي الأهلي والزمالك السابق قال في تصريحات سابقة: "ضغطي عالي من يوم ما إيهاب جلال مسك منتخب مصر".
