EN 
أحيا الفنان حسن الرداد ذكري وفاة والده الراحل، عبر حسابه الشخصي بموقع التواصل الاجتماعي “إنستجرام”.
ونشر حسن الرداد صورة قديمة لعائلته وعلق كاتبًا: “الذكرى السنوية ال #١٨ لأحسن اب فى الدنيا والدى الغالى #نبيل_الرداد، الله يرحمك يا حبيبى و يكون صبرك و رضاك بقضاء ربنا فى موت إبنك فى ميزان حسناتك بإذن الله”.
وتابع: “اد ايه ابتلاء صعب لما الواحد يفقد ابنه بعد ما كبر امامه و يا دوب فى بداية شبابة ، شئ صعب لا يتحمله بشر و شعور لا يا يشعر به الا من ابتلاه الله بهذا الابتلاء الصعب ، [يا رب ماحدش يمر بالموقف ده]” .
وأنهى: “كنت يا ابويا رمز للرجولة و الجدعنه و كنت من الناس الذين اختصهم الله بقضاء حوائج الناس و مواقفك الثابتة و العديدة فى خدمة الضعيف و الوقوف بجانب المحتاج يشهد عليها الناس و إن شاء الله تكون فى ميزان حسناتك ، الله يرحمك يا ابويا، ارجو الدعاء لوالدى”.
وكان قد كشف الفنان حسن الرداد، عن موعد عودة زوجته إيمي سمير غانم، خلال لقاء له مع برنامج Et بالعربي: "ايمي شخصية حساسة ولسه متأثرة بوفاة والديها صعب جداً لكن قريب جداً هتبدأ تنزل وتشتغل وبإذن الله نشتغل عمل أنا وإيمي مع بعض".
وعن أسباب تعرضهما لشائعات الانفصال قال: "معنديش تفسير غير أننا ثنائي محبوب عشان كدة ممكن بعض المواقع تكتب إشاعات عننا واحنا مش بنطلع نتكلم عن حياتنا الشخصية وانا مبحبش اطلع ارد لأن بيطلع كلام كتير عني فمش هرد كل شوية لكن لما بتسأل برد".
