EN 
نشر المؤلف عبد الرحيم كمال تعليقا عبر صفحته على موقع التواصل الاجتماعى فيسبوك يوجه فيه رسالة إلى جمهوره حول تعليم أولادهم الطموح وليس فى جمع المال فقط.
وقال عبد الرحيم كمال : "محاولة إيهام الناس أن القدوة هو اللي كان نفسه يبقى معاه العربية الفلانية وقِدر مع الوقت إنها تكون معاه، أو كان بيحلم ببيت وقِدر يشتريه، محاولة لترسيخ قيم مُنحطة".
تابع عبدالرحيم قائلا: "لأن تحجيم الأحلام في قيم مادية ومبالغ مالية وطوب وحجر، ده تدنيس لطهارة الأحلام، ربنا مخلقناش في الدنيا عشان نوصل لمبلغ نقدي معين ولا خلقنا عشان يكون عندنا أكبر بيت وأغلى بدلة وإننا ناكل اللي محدش أكله".
واختتم حديثه قائلا: "علموا ولادكم أن الحياة مش سبق حقير على أشياء حقيرة، ميخلقش التنافس عليها إلا الحسرة والحزن والخوف ومزيج من الصفات النفسية المتدنية المؤذية".
عبد الرحيم كمال
وكان الكاتب والسناريست عبد الرحيم كمال قال إن ثقته في الجمهور تطورت سريعاً وأصبحت لا حدود لها، متابعا: "مع الوقت بحس إني بفضفض مع الجمهور من خلال كتاباتي".
وتابع “عبدالرحيم كمال” خلال حواره ببرنامج “كلمة أخيرة” المذاع على قناة “سي بي سي”: "بقيت ببوح ليهم بأسراري لأنهم أكتر الناس اللي بثق فيهم وكل المقولات المغلوطة عن مستوى رقي الجمهور على مدار 30 أو 40 سنة ليست حقيقية، متابعا: "اللي بيقول إن مستوى الاعمال الدرامية ماشي مع ذوق الجمهور دا مش حقيقي".
واختتم: "الجمهور المصري كله حتى اللي ما بيعرفش يقرأ ويكتب على درجة عالية من الرقي".
