EN 
علقت الفنانة درة على الجرائم التي تم ارتكبت مؤخراً بحق طالبة المنصورة نيرة أشرف وبحق المذيعة شيماء، قائلة : أياً كانت الجريمة ضد نساء أو أطفال أو رجال أو ضد كل مظلوم وبريء عمل غير أدمي وأحداث بتوجع القلب ومش أدمي أن اي إنسان يرد فعل بالطريقة دي".
وتابعت “درة” خلال لقائها التليفزيوني في برنامج "كلمة أخيرة" الذي تقدمه الاعلامية لميس الحديدي على شاشة ON: الناس اللي بترتكب مثل ههذه الجرائم ستعاقب في الدنيا والاخرة وأنا عندي ثقة في القضاء المصري أنه سيأتي بحق الضحايا لأن حرمان إنسان من الحياة جريمة لاتغتفر .. محدش موجود في الحياة عشان يقرر من يعيش ومن يموت ربنا بس الي بيكتب ده ومش من حق أي حد يعمل كده.
وواصلت : ممكن اي حد يتظلم او يتعرض لموقف بس مش مبرر لانهاء الحياة.
وأتمت : الي بيخض دلوقتي أن القتل بقى على أتفه الاسباب وده شيء يخض في حد ذاته .. ومافيش حاجة في الدنيا تدي لحد الحق يعمل كده.
وعن العنف ضد المرأة قالت : ضد العنف ضد المراة بشكل قوي جداً وايمان بعض الرجال أن المرأة كائن ضعيف غلط لان الضعف أن تكون عنيفاً.
