EN 
عبّر الفنان عمرو وهبة، عن استياءه من التنمر على السوشيال ميديا، وذلك من خلال حسابه الرسمي على “الفيسبوك”.
كتب عمرو وهبة: “طيب يا جماعه انا معنديش مشكله ان حد يكرهنى او يستتقل دمى او ميعجبوش عمل انا عملته ..وانا من يومين كنت منزل صوره ليا انا ومراتى عشان عيد جوازنا وفى واحده خدت صورتى انا وسلمى اللى ملهاش علاقه بشغل وشيرتها واتكلمت عن مراتى على جروبها عشان تجيب ترافيك عندها”.
وتابع :"وده مش مسموح عشان ده حاجه شخصيه مش شغل وانا شيرت كلامها وعملتلها منشن وهى خدت اللى فيه النصيب من الناس وبعد كده انا مسحت البوست عشان مسيبش عندى الكلام ده وعشان ناس قالولى كفايه حرام اتشتمت كفايه فا مسحته..ودى كانت النتيجه
عشان الناس تعرف بس والله ان الزوق مش بينفع…
كما أضاف قائلاً: “ملحوظه:البنت دى مركزه معايا من ٢٠٢٠ وبوستاتها على الجروب بتاعها عندى بس مكنتش بتكلم عشان كانت بتتكلم على شغل او انى دمى تقيل او انى مش عارف ليه اصلا بمثل وده عادى عشان ده رأى .. ملوش علاقه بأسرتى”.
يذكر أن نشر الفنان عمرو وهبة صورة جديدة له في أحدث ظهور عبر حسابه الشخصي بموقع التواصل الاجتماعي إنستجرام.
وظهر وهبة من رحلته بإيطاليا، ولاقت تفاعلاً كبيراً من جمهوره عبر السوشيال ميديا.
