EN 
حل الفنان محمد حماقي، ضيف "صاحبة السعادة” مع إسعاد يونس، وذلك بمناسبة رأس السنة.
وقال محمد حماقي، "نفسي أمثل، بس انا مش عايز أدخل المجال وخلاص ومش عايز أعمل فيلم تقليدي .. الفكرة التقليدية في تمثيل المطرب مش هاعملها، مش عايز أعمل فكرة صعود نجم غنائي وبعدين يخوض تجربة إنه يحب واحدة".
بينما ردت اسعاد يونس: "علشان الجملتين الحلوين اللي انت قلتهم دول أنا هاعمل لك فيلم جامد علشان انت جامد، بجد هاعمل لك الفيلم".
وقال حماقي، خلال حواره مع الإعلامية إسعاد يونس في سهرة خاصة على قناة dmc، إنه يدرك جيدا مشاعره تجاه زوجته حتى بعد الانفصال، وتابع: "بعد الانفصال إحنا الاتنين لقينا إننا معملناش كل المجهود اللي المفروض يتعمل، فقولنا ملوش معنى خالص الانفصال، ودليل كبير إن يفوت سنتين من الانفصال، وده مش وقت قليل ومكناش لسه خلفنا يعني سهلة أوي إننا منرجعش، ومفيش حاجة ترجعنا أصلا".
وأضاف: "بس رجعنا في النهاية، وأنا الحقيقة بحب نهلة جدا من كل النواحي، بحبها بعقلي ومقتنع جدا وبمشاعري، الحمد لله إن إحنا رجعنا".
