معتز عبدالفتاح يدعو للحزم في تفتيش الركاب: "بيطلعوا عنينا في التفتيش لما نسافر أمريكا"

دعا الدكتور معتز بالله عبدالفتاح، أستاذ العلوم السياسية بجامعة القاهرة، للحزم في تفتيش الركاب على طائرات "مصر للطيران"، مضيفا: "دي حماية لينا وللبلد، مش قصدهم يعكننوا على الركاب".
وقال "عبدالفتاح" خلال برنامجه "90 دقيقة" على قناة "المحور"، اليوم الأربعاء، إن معدل البحث عن الصندوقين الأسودين المتعلقين بالطائرة المنكوبة "بطئ شوية"، مضيفا: "ومقدرش ألوم حد ده بحر عميق وربنا يصبر الناس وإن شاء الله ناخد بالنا كويس أوي".
وأضاف: "إحنا دلوقتي التعامل مع الامور مينفعش نغلط ونعدي حاجة على الطيارة، يقلعوني الجزمة والحزام والشراب كل حاجة مفيش مشاكل، المهم بلدنا تبقى بأمان والبلد مش مستحملة".
وتابع: "بعض الناس مش متعودة تتفتش تفتيش ذاتي، واللي بيسافر أمريكا منذ فترة بيطلعوا عنينا واخدين الأمور بجدية"، مضيفا: "مش قصدهم يعكننوا علينا ولا حاجة لكن قصدهم يحمونا".
واختتم: "نتحمل إجراءات التفتيش حتى لو مش على مزاجنا، لأنه في صالحنا".