ريهام سعيد تقتحم استوديو شريف مدكور بـ"باقة ورد".. فيديو

قطعت الإعلامية ريهام سعيد، البث على الإعلامي شريف مدكور مقدم برنامج "شارع شريف" المذاع على قناة النهار، اليوم الثلاثاء.

وقدمت "سعيد" لشريف مدكور "باقة ورد"، قائلة: "جيت أقولك شكرا على وقفتك مع صبايا الخير وجبتلك ورد أبيض عشان أنت زميل أبيض"، بينما وجه مدكور الشكر لها، خاصة مع قدومها وهي حامل، وهنا مزحت ريهام قائلة: "المرة الجاية هجيلك مع البيبي".

وأضافت "سعيد": "شريف زميلي من أيام قناة المحور والزميل الوحيد اللي لا بيتغاظ ولا يتضايق ولا يزعل عشان كدة ربنا كرمه"، واعتذرت "سعيد" لمخرج "شارع شريف" على اقتحامها للاستوديو دون إذن.

من جانبه قال مدكور: "الشغل اللي بتعمله ريهام سعيد صعب أوي ودايما افتكرولها الحالات المرضية اللي كانت سبب في علاجهم، بالإضافة إلى حلقة القدس اللي كنت مكسوف من نفسي وأنا بتفرج عليها"، ووجه حديثه إليها قائلا: "محدش يقدر يهزك".