عصام السيد يكتب:رسالة إلي أخواني

لما هكبر هنصح ابني
خد تعالي يا إبراهيم
لما تيجي تقوم بثورة
ابقي هات الحلاقين
اي دقن تشوفها أنتـف

مش هتفرق دقن مين ؟

اي حد مش فاهمني
راح يقولك مُلحدين
لاء يا سيدي دَينَا راسخ
في العقول و مُوحدِين
انت جاي بتقول دي ثورة
وهو جاي ببقول دا دِين
أصل يا بني الدين دا ثابت
و أنتوا أصلاً مُبدعين
أيوة يأبني الثورة قامت
ع الفساد والأفقين
و أنت يا بني كل همك
هو حلم من سنين
حلم أهيف من الهيافة
حلم اسمه ألخلافه
يا بني بص وشوف دا شعبك
أصله ميت مــ النحافة

نفسه يا كل مره لحمه
أو يذوق حته كنافة
بص يا بني الثورة حلوة
بس عيبها أن أنت فيها
زى فقري جابلو كَرشه
قام طلعوا العضم فيها
بص يا بني مش هتفرق
أحنــــا أصلا ميتين
واللي قتلك كان قاتلني
و إحنا الاثنين مقتولين
يبقي اصحي وفوق معايا
وحط نقطك ع الحُروف
واللي قال ( للغُولا ) لالالاءَ
عُمره ما يخاف م الخُروف