شاهد.. خناقة بين الشاعر أيمن بهجت قمر وأحد متابعيه.. والسبب!

دخل الشاعر أيمن بهجت قمر فى نقاش حاد بينه وبين أحد رواد صفحته الشخصية بموقع التواصل الإجتماعي"فيس بوك"، وذلك بسبب طلب الأخير منه كلمات اغاني عن النبي عليه الصلاة والسلام بدون مقابل.

وكانت البداية عندما كتب الشاعر أيمن بهجت قمر على صفحته الشخصية: إلى المطرب الغير مصري اللي كل ما بنطلبه في أغاني بيطلب مبالغ عالية جدا وبآلافات الدولارات، لو انت غالي ومش قادرين على سعرك، إحنا أغلى منك وبرضه مش هتقدر بعد كده على سعرنا، إحنا مش رخاص يا غالي .. ومحدش يقولي مين.

ليتفاجىء أيمن بهجت قمر بتعليق أحد جمهوره قائلا:عادي يا نجم انا أعرف شاعر طلبت منه حاجه لسيدنا النبي صلي الله عليه وسلم وكبر دماغه علشان من غير فلوس خالص.

الأمر الذى جعل أيمن بهجت ينفعل عليه فى الرد قائلا: متظلمش حد ف منطقة النبي عشان ما دخلتش ف النوايا، ولو بترمي كلام عليا انا ولا حاجه مع اني مش فاكر مش أيمن بهجت اللي مابيكتبش عشان الفلوس واسأل شوف بنهادي الناس ازاي.

ليعود هذا الشخص ويرد قائلا: أي نوايا ؟ سيدنا النبي مش خساره فيه كل الكلام ، سيدنا النبي صلى الله عليه وسلم
مش خسارة إن الشاعر اللي طلبت منه كلمات يمكن يكون مستهيفني إنما كان ممكن يرفض لسوء اللحن بعد ما يسمعه ...المهم ربنا كبير فوق أي كلام ومصر فيها شعرا كتير اوى ومطربين كتير قوي وملحنين أكتر إنما النبي واحد ومش هيكفيه أي كلام ولا أي حاجه، ياريتك تبعتلي حضرتك كلمات لسيدنا رسول الله بدون اي مقابل.

الأمر الذي جعل أيمن بهجت قمر كاد أن يفقد أعصابه ورد عليه قائلا: عملت حاجات بدون مقابل ومش في حاجه اني اقولهالك وانت مش محامي النبي ولا معاك توكيل عشان اللي مايديلكش كلام للنبي تغلط فيه وتشهر بيه عيب وحتى لو ماتقصدنيش.