EN 
وجه محمد إبراهيم "طيارة" مهاجم بتروجيت السابق رسالة مهينة لـ باسم مرسى مهاجم الزمالك عقب التدوينات التى أطلقها الأخير عن رفضه الانتقال الى النادى البترولى فى يناير الجارى على سبيل الإعارة بدعوى أنه يتذيل ترتيب جدول الدورى.
وقال محمد إبراهيم فى رسالة نارية إلى باسم مرسي عبر حسابه الشخصى على موقع التواصل الاجتماعى فيسبوك اليوم : رسالة لباسم مرسي : يابني انت اكيد فاكر شكلك كان عامل ازاي اول ماجيت بتروجيت واكيد فاكر انك كنت كل يوم بتروح بعد التمرين في عربيات زمايلك مش عيب كلنا بدأنا من تحت الصفر العيب لما ننسى أصلنا نادي بتروجيت هو اللى ركبك عربية وخلى الناس تعرفك وعشان كده روحت الزمالك عيب ومصيبة لما تتكلم كده علي مكان كان بيصرف عليك وعلى أهلك وتستكبر حتى تقول اسمه عشان هو بقى في موقف صعب في جدول الدوري.
وأضاف مهاجم بتروجيت السابق فى رسالته لباسم مرسى: انا مثلًا ليا مبلغ كبير في بتروجت بعد ماسبت النادي ولغاية دلوقت ماختوش لكن عمري ما اقدر اغلط أو التكبر على مكان كلت فيه عيش وكان فاتح بيتي وبيصرف عليا انا وأهلي، رغم اني كنت رايح بتروجت وبفضل الله كنت معروف ورايح شبعان من نادى كبير نادي إنبي مش زيك ماكنش حد يعرفك لكن عمري مانسى خير وفضل نادي بتروجيت عليا وعلى بيتي ان شاء الله يارب بتروجت يرجع لمكانه الطبيعي في الدوري يارب بتروجيت نادي كبير.
واختتم محمد إبراهيم رسالته لمهاجم الزمالك قائلا: نصيحة لوجه الله الدنيا دوارة يابني مبتفضلش علي حالها (ولو دامت لغيرك ما كانتش جاتلك) اشمعنه حسام باولو هداف الدوري كذا موسم وكان في الزمالك برضه ماستكبرش علي نادي الداخلية صحيح قلة الأصل طبع.
وكان باسم مرسى قد استهل مشواره مع نادى بتروجيت قبل أن ينتقل إلى طنطا والإنتاج الحربى ومنه للزمالك الذى توج معه بلقب الدورى موسم 2014/2015 وثلاثة ألقاب لكأس مصر ولقبا للسوبر المصرى.
وتراجع مجلس الزمالك عن إعارة باسم مرسى الى سموحة راغبا فى إعارته لبتروجيت لعدم حاجة جروس لجهوده عقب فسخ عقده مع لاريسا اليوناني بالتراضى قبل نهاية الستة أشهر الأولى لاحترافه.
