د.إيمان مرزوق تكتب: بلون أخضر
بلون أخضر
بلون أخضر .. قلوب عَمرانة بتفكر
وحُضن كبير بيغمرنا .. بيسندنا وبيكبر
يلاقي في فَرحنا نوره .. هَنانا .. دُنيته سُروره
وعُمره في وقت شِدتنا ما يتأخر
*****
بلون أخضر ..
بيبني بكلمة جوانا في أحلامنا و بيصبر
و صوته زقزقة عصافير و قلبه جميل و مليان خير
بيسعد كل مِن شَافه و مِن سمعه و مِن قَدَّر
يا ريت لو يتعمل له مثال ..
نزين بيه طريق الخير و نستبشر
إلى كل الألوان الخضراء في حياتنا شكرًا