هجوم حاد من الجماهير على الجهاز الفني للأهلي ومطالبات بإقالته كاملا بعد رحيل لاسارتي

دشن عدد من رواد موقع التواصل الاجتماعي تويتر #جهاز_فني_كامل_ياخطيب وتصدر الهاشتاج قائمة الأكثر تداولا عبر تويتر، وجاءت التعليقات كالتالي:

‏لسه الإدارة بقيادة الخطيب مش عاوزة تقتنع أن الأهلي محتاج مدرب حراس أجنبي كبير.

لسه الإدارة مش عاوزه تقتنع أن الأهلي محتاج جهاز طبي أجنبي يليق بـ الأهلي.

لسه الإدارة مش عاوزه تقتنع أن وجود محمد يوسف في الجهاز الفني فشل فوق فشل.

‎#جهاز_فني_كامل_ياخطيب.


‏ما عدا سيد عبدالحفيظ ‎#جهاز_فني_كامل_ياخطيب.

‏خليكوا فاكرين ان دايمًا جمهور الأهلي هو بيقف ف الأزمات ‎#جهاز_فني_كامل_ياخطيب

‏عرفوا المدرب الجاي اي كان مين

افريقيا هي الهدف الاول والاوحد

‎#جهاز_فني_كامل_ياخطيب.

‏الاهلي مش مكان للتجارب متجبليش مدرب صف رابع درب مركز شباب هامبورج ولا تقولي ده مكتشف عايزين مدرب محترم حائز علي بطولات بيعرف يتعامل مع البطولات والماتشات الكبيره وبجهازه كامل ياكده يابلاش احسن ‎#جهاز_فني_كامل_ياخطيب

يذكر أن النادي الأهلي أقال مارتن لاسارتي من تدريب الفريق بعد هزيمة الأهلي من بيراميدز بهدف مقابل لا شيء والخروج المبكر من كأس مصر في دور الـ 16.