EN 
أقدم طبيب من محافظة الأقصر على الانتحار وقام بعرض على صفحته الشخصية على «فيس بوك» الخاصة به مما تسبب فى حالة من الذعر بين أهله وأصدقائه واسرعوا الى منزلة لإنقاذ.
وأكد مصدر أن الطبيب مايكل هلال أقدم على الانتحار بقطع شريان يده اليسرى وعرض ذلك على صفحته بموقع التواصل الاجتماعى الفيس بوك مطالبا بعدم الصلاة عليه بعد وفاته.
وأضاف المصدر أن أصدقاءه أسرعوا إلى منزله لإنقاذه وتم نقله إلى مستشفى أرمنت الدولى وجار عمل كل المحاولات الطبية لإنقاذه من الموت.
وكتب أحد أصدقاء الطبيب على صفحته نبذة عن الطبيب قائلا : " مايكل هلال ، نايب جراح ف مُستشفى الشيخ زايد التخصُصى ، عُمره 32 سنة .. أعرف مايكل من سنة من على الفيس بوك ومن الناس اللى إحترمتها وقدّرتها فعلًا نظرًا لحُبة للحَق والحُريّة .. وإنُّه شخص فعلًا حقيقى وواضح مش مُخادع أبدًا ، ناهيك عن وَعيُّه ونُضجُه".
وتابع "أىّ حد عارف مايكل عارف إنُّه بيتألم من فترة والأسباب مش واضحة كُليًّا يعنى ، بس من فترة مايكل جالُه جَلطَة قويّة فى المُخ وبعدها بحوالى أسبوعين ال INR رفع جدًا ودا سببلُه نزيف داخلى الجلطة طبعًا ثابت أثرها من توقف تام للرجل والإيد مع السمع وحبّة حاجات تانى، مايكل كتب ع الفيس بوك إنُّه هيموت قريب لأنُّه طبيب وعارف ان ال Survive من النوع دا من الجلطات صعب" .
وأكمل كلامه: "الحمدُللّة لقى مع أصدقائُه دعم كبير اللى فقدُه وسط أهلُه وبدأ يتحسن ،،
لحد ما ناس شيّرت البوست بتاعتة واتهمته انه Attention whore .. وكلام تانى كتير.
مع كام حاجة تانى ف البيت مايكل نفسيّتُه إتدمرت وصحيت النهاردة الصبح ع خبر محاولتة للإنتحار!!
بمشرط تالم ، قطع شرايين كتير ف جسمُه ، ويُقال إنُّه إتلحَق".
وختم قائلا: "أنا كاتب البوست دا عشان أقول ان أىّ حد شارك في أن مايكل يوصل لكدة فهو من طائفة لا أكتر ولا أقل.
وحابب أقول لمايكل إنّك لازم تقاوم وتسد دين ع كتفك ف إنك تسيب نُقطة الضوء اللى فيك تنوّر ولو جُزء ضئيل من العالم العَبثى دا .. جمال روحَك مينفعش ينتهى يا صديقى Michael Hilal".
