زي القمر .. أمير طعيمة يدعم رامي جمال بعد إصابته البهاق

دعم الشاعر أمير طعيمة، صديقه الفنان رامي جمال بعدما أعلن إصابته بمرض البهاق من خلال رسالة مؤثرة بموقع التواصل الاجتماعي فيسبوك.

وكتب أمير طعيمة :"هو أنا معترض علي حاجات كتير في البوست ده لاني بقابلك و شايف انك بتحلو و زي القمر و مش بتوقف خالص عند موضوع البهاق ده، و اذا كان لفت نظر حد اول مرة ففي المرة الثانية محدش بياخد باله اصلا".

واضاف :"بس الاهم من ده كله يا رامي انك فنان و بتحترم جمهورك كملحن و كمطرب، يعني مش عارضة أزياء عشان تفكر في الاعتزال و الكلام الفاضي ده،كبر دماغك يا صاحبي، انت اكبر و اهم عندنا كلنا من ده بكتير".

وأعلن رامي جمال إصابته بمرض البهاق متسائلا هل سيتقبل الجمهور له بهذا الشكل أم يعتزل الفن، قائلا: "الحمد لله الذي أحبني فابتلاني واقدرني علي الصبر من فتره ظهرت بقع بيضا في جسمي وبالكشف عرفت انه البهاق وجربت أنواع علاج كتير ودكاترة كتير ومفيش فايده رضيت وسلمت أمري الله علشان عرفت ان الزعل بيزوده وكفايه شغلانتي وصعوبتها والقلق الدائم من المستقبل".