EN 
استغاث أهالي أرض اللواء وميت عقبة بحي العجوزة من انقطاع المياه والكهرباء لفترات طويلة لأكثر من 9 ساعات في اليوم، ما يعرقل حياتهم الطبيعية، سواء البيوت، والمحلات التجارية.
ورصدت كاميرا "صدى البلد" استغاثات وشكاوى مواطنين منطقة أرض اللواء وميت عقبة بسبب انقطاع المياه والكهرباء المستمر وتكدس القمامة في الطرقات".
وقال احد الاهالي: "إنه من مواليد منطقة أرض اللواء، ويواجه مشكلة انقطاع المياه قائلا: "بتقطع من الصبح مبتجيش غير بعد المغرب او بعد العشاء وطبعا دا شيء زاد عن حده، والناس عايزة مياه وكهرباء، بالإضافة إلى القمامة الي في كل مكان بنملا المياه بتاعتنا ونسكت والناس كلها علي نفس الحال".
وأضاف علاء احمد، احد المواطنين بمنطقة ارض اللواء: "قطع المياه هنا باستمرار بتقطع لحد الساعة 2 بليل ، وقمنا بتقديم العديد من الشكاوي بدون جدوى".
وأضافت ام مي من سكان ارض اللواء ، قائلة : " الايجار غالي علينا و مش لاقيين سكن و ولادي عايزين يتجوزوا و مفيش سكن ليهم واللقمة بنجيبها بالعافية.
وأضاف محمد سلام احد سكان ارض اللواء ، المشاكل الي موجودة هنا ان المياه بتقطع طول النهار و مبتجيش الا بالليل و الكهرباء الي بتقطع و تعطلنا عن الشغل و المياة الي شبة دايما مقطوعة مش عارفين نتوضا او نصلي.
و أضاف علاء : المشكلة هنا الميه بتقطع طول اليوم من الصبح وللساعة 2 بليل انا حتي مش عارف اغسل وشي و القمامة في كل مكان مش لاقيين الي يشيلها حتي ولا حد من المسئولين مهتم ولا اي حاجة.
و أضافت ام محمود انا ساكنة هنا في ميت عقبة مشاكلنا كتير الميه و الايجار و بنشتكي لربنا ولا بنكلم حد و النور بيقطع كل يوم .
و أضاف سعيد اكتر مشكلة مواجهانا في ميت عقبة هي السكن الغالي و مشكلة المياه الي شبه بتختفي من المنطقة.
ويقدّم موقع "صدى البلد" الإخباري، خدمة لاستقبال شكاوى القرّاء والعمل على حلها مع المسئولين من خلال الخط الساخن 5731 و01025555056 أو من خلال رقم الواتس آب 01006735360
