ﻣﻮﻗﻊ ﺻﺪﻱ اﻟﺒﻠﺪ

صدى البلد
الإشراف العام
إلهام أبو الفتح
رئيس التحرير
أحمد صبري
الإشراف العام
إلهام أبو الفتح
رئيس التحرير
أحمــد صبـري
Advertisements

نهى أباظة تكتب: أنا جاهز .. والباقي تفصيل

الإثنين 14/ديسمبر/2020 - 05:56 م
صدى البلد
Advertisements
أنا جاهز .. والباقي تفصيل...كل ما أفكر مفيش تفاصيل 
طولي وعرضي ماكنش كبير... بس الوسط عدى كتير.
...متخيط ومليش تقفيل... لو فكيت طب مين حيشيل..
أنا جاهز والباقي تفصيل..
أنا جاهز وشغال عل طاير... والعمر محسوب بزراير..
اسمي على ورق الكربون ... وشكلي مرسوم  باترون..
ومش ببلاش ..ماهو تاريخي زي القماش  ..وياريته كبير..
محسوب شيفون وستان ..والأصل حرير...
أنا جاهز والباقي تفصيل . 
أنا جاهز على أي لون ..بدلة شيك محسوبة بنطلون..
خيطي عريض وبمشي عليه ..ولو وقعت بهون عليه .
.يسن إبرة ..يقص مقص ..  ما هو أصلي عنده لزق وقص.. ..مليش كبير..
أنا جاهز والباقي تفصيل ..
أنا جاهز ومعايا مقاسات .. افتكاسات... محتاج جلسات ..مفيش تاخد ..كله هات..
واقع من آخر دور..بنطح فيها زي الطور..ومكنها كله شغلته ..وماشوفتش فيها موتور..
أانا جاهز والباقي تفصيل
أنا جاهز حطلع من الكيس ..اتعودت خلاص عل الابره..و اتثبت عل الدبابيس..
ماتهدش حيل... والغرزة تنية ف الديل ..
أنا جاهز من غير الجيب ...والأيام عداها العيب ..بنص الكم أنا عشت حياتي ... ومن غيره برضه أهو جيت ..
أنا جاهز .. والباقي تفصيل

Advertisements
Advertisements
Advertisements