قصيدة رائعة في حب طرابلس.. بصوت الشيخ أحمد الطلحي

ألقى الشيخ أحمد الطلحي، الداعية الإسلامي الليبي، قصيدة مؤثرة في حب طرابلس، عاصمة دولة ليبيا الشقيقة.

ولاقت القصيدة التي ألقاها أحمد الطلحي، ترحيبا كبيرا من رواد مواقع التواصل الاجتماعي.

وأنشد الداعية الليبي، قائلاً:

يا طرابلس مشتاقلك 
ومشتاق شعري فيك يكتب بيت 
ياطرابلس محتاجلك 
ومحتاج حضنك نحضنه يا ليت  

شن قيمتي يا طرابلس 
وإنتِ حزينة وخاطرك مكسور 
وشن لزمتي يا طرابلس 
وإنتِ كسيرة وشارعك مغدور 
وشن سيمتي يا طرابلس 
وفيك العوايل نازحة و ادور 
وشن ليعتي طرابلس 
وخيرة شبابك مالية القبور  

إنتِ عَبرتي يا طرابلس 
وإنتِ النفس والعين إنتِ النور 
إنتِ نبرتي يا طرابلس 
وبعدك حبال الصوت ولّت بور  
مسقط الحُبّ  
طرابلس ومنّة الرب طرابلس 
وساعة بقرب طرابلس جنة ونعيم وحور  
نشْدّ القلم  ونكسّره 
وحزني استحالة  نفسّره 
ولو ما نطقت طرابلس 
كل الدروب معسّرة 
ولو ما كتبت طرابلس 
ما هناك جملة ميسّرة 
ولو ماعشقت طرابلس 
نبضة القلب مأسّرة  

وشن في بعد طرابلس 
وشن في قبل طرابلس 
وشن في غير طرابلس

وهالكون دون طرابلس 
غربة ورصيف وحيط  
يا طرابلس مشتاقلك 
ومشتاق شعري  فيك يكتب بيت 
يا طرابلس محتاجلك 
ومحتاج حضنك 
نحضنه يا ليت.