السيسي: قمنا بتحويل 250 ألف فدان إلى مزرعة سمكية حية

قال الرئيس عبد الفتاح السيسي،:" بفضل الله شارفنا على الانتهاء على أننا نجعل الـ 250 ألف فدان وكأنهم من 500 إلى 600 سنة، كل اللى انتوا شايفينه ده من حشائش سافانا كله اتشال والبحيرة بالكامل تم تكريكها.. و بقالنا 4 سنين شغالين فيها".

وأضاف الرئيس السيسى، خلال كلمته المذاعة اليوم،  أننا قمنا بتحويل الـ 250 الف فدان إلى مزرعة سمكية حية، لنأكل منها السمك الموجود فيها ونحن مطمئنين ونصدر منه.

قال الرئيس عبد الفتاح السيسي للمواطنين عن مشروعات تحلية المياه :إحنا هنعالج المياه ليه ؟ .. إحنا نعالجها عشان نستخدمها .. والمياه دي تكفي 500 ألف فدان زراعي .

وأضاف الرئيس عبد الفتاح السيسي ، خلال كلمته بافتتاح محطة معالجة مياه مصرف بحر البقر : كثير من اللي بيسمعوني هيقول 160 مليار جنيه عشان تزرع 500 ألف فدان ؟ .. أيوه صحيح رقم كبير أوي .. عرفتوا ليه بنتألم بسبب التعدي على الأرض الزراعية . 

وأوضح السفير بسام راضي، المتحدث الرسمى باسم رئاسة الجمهورية  أن هذه المحطة بتكلفة حوالي 20 مليار جنيه وبطاقة إنتاجية 5.6 مليون متر مكعب في اليوم من المياه المعالجة ثلاثياً سيتم نقلها إلى أراضي شمال سيناء لتساهم في استصلاح 400 ألف فدان في إطار المشروع القومي لتنمية سيناء ولتعزيز منظومة الاستخدام الأمثل للموارد المائية للدولة.