EN 
نفت هند - ابنة الفنان الراحل سعيد صالح - ما تردد عن لسانها في الساعات الأخيرة حول طلبها تكريم لوالدها الراحل، مشيرة - عبر حسابها الرسمي على موقع التواصل الاجتماعي فيسبوك - أن من نشر هذا الكلام هو منتحل لشخصيتها.
وكتبت هند سعيد صالح ، في منشورها عبر فيسبوك: «الكلام ده ماصدرش منى .. انا عندى اكاونت تويتر و مابستخدموش ولا بحب تويتر .. ابويا مش ناقص تكريم و انا عمرى ما اكتب كدة ولا اشحت عليه بالمنظر السخيف ده .. #سعيد_صالح مكانته كبيرة من غير مهرجانات و تكريمات مع احترامى للكل .. و نفس الكلام ده نزل عن لسان شيماء يونس شلبى و الاكيد انها ماقالتوش بردو .. اللى بيحصل للمرة العاشرة ده اسمه قلة ادب».
وعلقت الإذاعية بسنت بكر ، على منشور هند سعيد صالح ، قائلة: «هما مش عارفين سعيد صالح من يونس شلبى كمان ؟؟؟؟ فعلا بنت استاذ يونس على تويتر قالت كده انا شفت التويته .. ايه علاقه ده ببنت سعيد صالح طيب»، لترد عليها «هند» بنفي ما تردد على لسان ابنة الفنان الراحل يونس شلبي ، قائلة: «مش هى كمان يا باسنت .. الاكاونتين على تويتر اتعملوا سبتمبر ٢٠٢١ حيلموا فولوورز و يقلبوا».
أحدث لقاء لـ هند سعيد صالح
قالت هند سعيد صالح، ابنة الفنان سعيد صالح، إن والدها لم يندم أبدا عن قراراته، مضيفة: "عمره ماكان بيبص وراه أبدا وعمره ما كان يقول ياريتني".
وأضافت "هند" خلال حوارها ببرنامج الستات مايعرفوش يكدبوا" المذاع عبر فضائية "سي بي سي"، أنه عندما دخل السجن بسبب أرائه على المسرح لم يندم أبدا معقبة: "بالعكس.. لأن اللي بيقول أرائه سواء على المسرح أو السينما أو الصحافة موجودين.. بس كون أن ربنا يختار سعيد صالح علشان يدخل فهو كدا بيقوله سيب الأضواء والنجومية".
وتابعت: "والدى متدينش ولكنه عرف الفروض اللي المفروض تحصل للإنسان العادي.. وكان بعد خروجه من السجن بيحج كل عام.. وهو داخل السجن وأنا فى الثانوية العامة.. وكانت مأساته أنا وكانت أول زيارة لينا أنا وماما مرضاش يقابلنا.. وحاولت أقلب الموقف كوميدي علشان أحسسه أنه مفيش حاجة".
