السيسي: التحدي موجود عشان نكسره ونتجاوزه

أكد الرئيس عبد الفتاح السيسي أن هناك فرقا بين الفكر والتخطيط النظري، وبين الممارسة العملية، قائلاً: "لما بتيجي تحط تصور على التربيزة ده كويس، ولكن لما تيجي تتحرك وتنفذ هتقابل تحديات".

وأضاف الرئيس السيسي، خلال افتتاح المشروع القومي توشكى الخير: "هل التحديات توقفك ولا تتجاوزها! لازم تتجاوزها طبعاً ما احنا طريق الجلالة كان فيه 4.5 كيلو ونصف زي الحائط الصخري اللي عايزين نهده في مشروع توشكى، ولكن كان أعمق منه كمان".

وتابع الرئيس السيسي: "لو إحنا وقفنا قدام الجلالة وقولنا إن الحاجز الجبلي ده هيمنعنا ومش هنعمله، واحنا دلوقتي بنعمل طريق زيه عشان نطلع على الجبل فوق".

ووجه السيسي سؤاله لـ اللواء إيهاب الفار، رئيس الهيئة الهندسية، قائلاً: "هتخلصوه امتى! فـ رد الفار قائلاً: "آخر الشهر الحالي، هنخلص كل أعمال النسق اللي فيه، وهناخد شهر تاني علشان أعمال الردم، يعني أول شهر 2 هننتهي من الحائط الجبلي حتى الأسفلت، وبدأنا بالفعل ننفذ أعمال طبقات الأسفلت وعملنا 4 كيلو من إجمالي 17 كيلو".

ورد الرئيس السيسي قائلاً: "التحدي موجود عشان نكسره ونتجاوزه، ومنقولش ده حائط 9 كيلو ومش هنقدر، لاء، ده لو 90 كيلو هنهدمه".