بسبب سرطان الحنجرة.. العازف عبد الله حلمي بفرقة محمد منير يفقد صوته

فقد العازف الشهير عبد الله حلمي، الذي يعد من الأفراد الأساسيين في فرقة الكينج محمد منير، صوته نهائيا؛ بعد معاناة لفترة طويلة مع سرطان الحنجرة. 

وقال الملحن أحمد طارق يحيى، إن الفنان عبد الله حلمي، فقد صوته بسبب ظروفه الصحية، وبالتالي لن يتمكن من العزف على آلته. 

وأوضح أحمد طارق يحيى في منشور له عبر فيسبوك:" اتربينا على اغاني محمد منير و كتير مننا راح حفلاته و ناس كتير تعرف اللي في الصورة ده مين... عبد الله حلمي. من اطيب و اشطر عازفين الكولة في الوطن العربي .. تاريخه كبييير جدا و لعب مع مطربيين كتييير جدا و في اغاني كلنا بنحبها و عمرنا ما شوفناه. و بجد دايما صوت آلته كانت دايما معايا في الهدوء و الشجن و في الفرح والخروج من اي مود كئيب.

وتابع: عم عبد الله حلمي ربنا وضعه في اختبار لظروف صحية، فقد نعمة الكلام، و بالتالي العزف على آلته. قد ايه صعب ان الواحد مايعرفش يتكلم، بس الاصعب ان عمره كله اللي افناه في اتقان آلته اللي هي اكل عيشه .. يروح في لحظة منه ... انا متأكد ان دي بداية لحاجات كتير عم عبد الله يقدر يعملها، مش نهاية لطموحه و عزيمته.

واختتم : لكن اللي طالبه منكم انكم تردوا الجميل للراجل ده وتسألوا عليه، وتزوروه كل اما تفتكروا و ساعدوه بشكل معنوي و غير معنوي .. ممكن كلمة أو فكرة من حد ترفع روحه المعنوية".

وحرص الموزع الموسيقي الشهير هاني محروس على إعادة مشاركة منشور أحمد طارق يحيى والتعليق عليه قائلا:" ربنا يعوضك خير في أولادك يا عم عبد الله يا غالي يا أستاذنا كلنا وحبيب قلبنا احلي اغاني ونجاحات كتير كانت معاك، ربنا يسندك وانت راجل جميل القلب، وده عند ربنا اهم شئ".

ويعاني عازف الكولة الشهير عبد الله حلمي مع سرطان الحنجرة منذ أكثر من عام، وأجرى من قبل عمليات جراحية بسبب هذا المرض، وتحسنت حالته لكنه لم يتمكن من الحديث لفترة طويلة.