مختار مختار: بعد أداء كيروش مع المنتخب .. إحنا ظلمنا البدري

أكد مختار مختار، نجم الأهلي السابق، أن حسام البدري تعرض للظلم بسبب أداء كارلوس كيروش مع منتخب مصر.

وأضاف مختار في تصريحات عبر "أوضة اللبس" مع شادي محمد المذاع على قناة النهار:"أنا مش متعود أتكلم على مدربين ولكن كيروش طريقته مستفزة للغاية".

وتابع "إزاي اللاعيبة مش بتتكلم مع المدرب وخاصة محمد صلاح، ولو الجهاز المعاون خايف يتكلم مع المدرب صلاح له قيمة كبيرة وأهمية ومينفعش دا يعدي كدا".

واوصل "كل لاعب مش بيلعب في مركزة مش هيأدي بشكل جيد وحسام البدري الكل كان بيتكلم عليه وحش ودلوقتي عرفنا قيمته".

واختتم "شغلتي كمدرب بيكون في كلام مع اللاعيبة الكبيرة وبيكون ليهم دور ورأي يحترم ولكن ما يحدث مع منتخب مصر حاليا غير مفهوم".