شريف رمزي عن حادث ضرب عروس الإسماعيلية:مفيش أضعف ولا أحط من الضرب

علق الفنان شريف رمزي على حادث ضرب عروس الإسماعيلية في الشارع، ونشر تغريدة جديدة من خلال حسابه الشخصي بموقع التواصل الاجتماعي “تويتر”.

وكتب شريف رمزي: “مفيش في الدنيا أضعف ولا أحط من الضرب أو الاعتداء الجسدي للتعبير عن الرأي أو للعقاب أو لفرض أي شيء أو حتى للهزار”.

وكشفت أسرة عريس الإسماعيلية، عن رد فعل العروس بعد ضربها، وهل كان هناك خلاف مع أخت العريس.

وقال ابن عمة العريس، خلال حواره ببرنامج "الحكاية" المذاع عبر فضائية "إم بي سي مصر": "متخانقتش مع أخت العريس خالص.. ومعرفش أصلا اتخانقت معاها فين.. وكانت مشكلة عريس مع عروسته وكانوا بيتكلموا مع بعض على حوار التأخير فى الكوافير".

وتابع: "قعد يلف شوية يدور على الكوافير وماكانش عارف هو فين.. ودي كانت المشكلة.. والطبيعي العريس بيكون مشدود".

في سياق متصل، علق مروان، شقيق عريس الإسماعيلية، عن ضرب العروس خلال فرحها، قائلا: "والله ما في حاجة.. ودا سوء تفاهم بين أخي وبنت عمي".

وأضاف: "مفيش حاجة.. وهي كانت نازلة من السيارة واتشنكلت وقالها اركبي وهو دا اللي حصل".

وتابع: "كانت مشادة فرح.. وأى حد بيكون فى فرح تكون أعصابه مشدودة مش أكتر من كدا.. ومفيش ضرب ودي بنت عمي وأختي قبل ما تبقى مراته".