الغلاء لسه جاي.. عمرو أديب يطالب الدولة بمحاربة الاحتكار

أكد الإعلامي عمرو أديب؛ أن هناك خطوة وحيدة يمكن أن تتخذها الدولة من أجل خفض الأسعار التي ارتفعت بشكل كبير خلال الفترة الماضية، وهي محاربة الاحتكار.

وقال أديب خلال برنامج "الحكاية" المذاع على قناة "أم بي سي مصر": "الغلاء اللي ماشي دلوقت مش بتاع الحرب؛ غلاء الحرب لسة جاي".

وأضاف: "قبل ما أقول للدولة خفضي وأعملي تسهيلات؛ هل علبة اللبن اللي زادت النهاردة بعد ما الحرب تخلص هتنزل تاني؟ كيلو المكرونة السايبة زاد 3 جنيه هل هتنزل تاني؟".

وتابع: "العيش السياحي زاد ربع جنيه لو مش هينزل تاني أقول للدولة قللي أو اعملي واحنا عارفين في مصر أن اللي بيطلع مش بينزل".

وأكمل: "حاجة واحدة بس الدولة تعملها لحل المشكلة وهي ضرب الاحتكار لو في اتنين تلاتة ماسكين السلعة في السوق تضربه الدولة ودا دورها بالقانون أنك متسمحش لحد يتحكم في سعر".

واختتم: "كان في خناقة كدة كنت طرف فيها؛ لما أسعار الفراخ زادت جامد والدولة قالت هجيب فراخ من البرازيل؛ وطلعت الناس وقعدت تقول في 20 مليون بيشتغلوا في الصناعة دي وفجاة أسعار الفراخ نزلت".

واكد الإعلامي عمرو أديب؛ أن الحديث عن موجة الغلاء بدأ قبل الحروب الروسية الأوكرانية لافتا أن الزيادات الحالية ليست زيادات ناتجة عن هذه الأزمة.

وقال أديب: "بقالي يومين تلاتة بحاول أشوف الغلاء العالمي؛ العالم بيعملوا أيه؟ هو مواطن زيه زيك عنده غلاء في الغاز هناك الناس لأن معندهاش اعتمادية أوي على الدولة فاهمين أن السوق كدا وبيتحرك كدل".