EN 
قال الشيخ رمضان عبدالمعز، الداعية الإسلامي، إن القرآن الكريم حسم مسألة الحجاب، وأكد أنه فرض، فالعفة القرآن الكريم أمر بها حتى على القواعد من النساء، مستشهدا بقول الله تعالى: "وَالْقَوَاعِدُ مِنَ النِّسَاءِ اللَّاتِي لا يَرْجُونَ نِكَاحاً فَلَيْسَ عَلَيْهِنَّ جُنَاحٌ أَنْ يَضَعْنَ ثِيَابَهُنَّ غَيْرَ مُتَبَرِّجَاتٍ بِزِينَةٍ وَأَنْ يَسْتَعْفِفْنَ خَيْرٌ لَهُنَّ وَاللَّهُ سَمِيعٌ عَلِيمٌ".
وتابع عبدالمعز، خلال حلقة برنامج "لعلهم يفقهون"، المذاع على فضائية "dmc"، اليوم الاثنين: "القواعد من النساء اللى هم الستات اللى لا ترغب فى الزواج، وسنها كبير، تلاقيها قاعدة بتلف الطرحة، ورقبتها باينة فالقرآن يقولك دى لا حرج ولا إثم عليها، ايها النساء المحترمات ربنا سميع عليم باللى بتهاجم الطرحة، ليه تشيلى اوزار الناس ليه، انتى مش عاوزة عفة، ومش عاوزة تلبسي الحجاب، ده أمر يخصك مع ربنا، انما تقولى للناس لا متلبسيش الحجاب، ليه تحملى اوزارك وأوزار الناس، ليه تحملى اثقالك وأثقال الناس وتتحاسبى على أمور مش بتاعتك".
الله يعاملنا بقصدنا لا بلفظنا فى الدعاء
قال الشيخ رمضان عبد المعز، الداعية الإسلامي، إن المحن والفقر والوباء اختبار للتضرع لله، مضيفا: "ادعوا ربكم تضرعا وخفية، سيب الأمور تمشي والأقدار إحنا راضيين بيها، هو قيام الليل خلص؟ ادعى ربنا وقول اللي نفسك فيه".
وتابع عبد المعز، في حلقة برنامج "لعلهم يفقهون" المذاع عبر قناة dmc: "هو إحنا هنحفظك تقول إيه لربنا يا أخي الكريم، أو يا أختي الكريمة، قول لربنا شكواك، وقول اللي نفسك فيه، كلم ربنا، اغلط في الدعاء وربنا هيديك أجر، الحمد لله إن ربنا بيصوب خطأ الدعاء بتاعنا، وبيعاملنا بقصدنا وليس بلفظنا".
وأكمل رمضان عبد المعز، قائلا: "الله أعلم بما في الصدور، لو انت بتستغيث بربنا وغلطت في جملة لا يضل ربي ولا ينسى، وبرضه مشكلتك هتتحل".
