مفيدة شيحة: صاحبتي كلامها مُصدق حتى لو غلط

نشرت الإعلامية، مفيدة شيحة، مجموعة صور جديدة من كواليس برنامج “الستات”، وذلك عبر حسابها الرسمي بموقع التواصل الإجتماعي إنستجرام.

وكتبت مفيدة شيحة عبر صورتها معلقة:"اعز صحاب هما اللي وقت ما يطلبوا قصاد الباب...انا صحبتي كلامها مصدق حتى لو غلط".

وخصصت الإعلامية مفيدة شيحة، في برنامجها الستات، المذاع عبر قناة النهار وان، فقرة عن الصداقة الحقيقة. 

وقالت مفيدة شيحة، إن الصداقة الحقيقية هدية يصح اننا نحميها و نحافظ عليها و نخلي بالنا من الناس المفسدة ..!، وانا مع صاحبي ظالم ومظلوم.. ازاي اسيب صحابي واصاحب اللي بيكرهوهم.. دي تبقى علاقة مصلحة ممكن إنما مكانتش صداقة أبداً.. وهتلاقي العلاقة الجديدة مصلحة بردو.. يعني الناس اللي بتفكر كدا ميعرفوش يكونوا صحاب حد اصلا!. 

وأضافت مفيدة شيحة، أن لما نكون اتنين أصحاب.. و بعدين ينضم لنا عضو جديد مشروع صديق.. ثم بعد وقت قليل يعمل مشكلة مع واحد من الاتنين المفروض الصديق التاني فورا ياخد صف صاحبه و يخرجوا العنصر الجديد و لا ياخد صف الجديد دا في مواجهة الصديق؟، إيه الأخلاقي هنا؟. 

وتابعت مفيدة شيحة، أنه :"الرد بيكون انه مع الحق و هو  مغلطش .. لكن مين صاحبك وايه حقه عليك؟".