EN 
تحدث الإعلامي عمرو أديب، عن حرب أكتوبر 1973، قائلا: “سيناء رجعت كاملة لينا.. هل دي حقيقة تدعو لأي شك!؟.. احترم تاريخك يا أخي وأحترم الناس التي أستشهدت مسلمين ومسيحيين واللي أبتهدلت وأتهجرت فى مدن القناة وأحترموا الشعب اللي عاش على حد الفقر والقادة والعباقرة.. وأنت بتعمل حرب علشان عايز توصل لنتيجة”.
وفي سياق متصل، أضاف “أديب” خلال برنامج “الحكاية” المذاع عبر فضائية “mbc masr": “أنت كنت تقدر تكون بالقوة دي غير ما تكون منتصر.. وهي دي كلها مش انتصارات .. وكل النتائج الخاصة بالحرب إنتصارات”.
وفي سياق متصل، قال الإعلامي عمرو أديب، إنه لم يري فى حياته بلد يوجد بها فئة من الناس تعشق أنها “ترمي عليها التراب”، معقبا: “كل عام مثل الأن ندخل فى حوار من أغبي ما يمكن.. وأتحدي أن هناك بلد فى العالم لديها الحوار الغبي دا".
وأصاف: “هناك دول خلقت حوار ذكيا عن الغباء اللي بيجري عندنا وفيما يخص بحرب اكتوبر عام 1973”.
وتابع: “كل كا تيجي مناسبة حرب أكتوبر واحد يقول على فكرة مكنش إنتصار.. يا جدعان دا فيه دول فى العالم حولت هزايمها لإنتصارات.. أى أنها أقنعت العالم انها أنتصرت.. مش تكون منتصر وتلاقي ناس بتعمل فيديوهات وتكتب حاجات أنه لا لا دي خدعة.. الجيل اللي موجود دلوقتي غير جيلنا ومحضرش الحرب عندك أيه تديهولوا".
