EN 
انتشر مقطع فيديو على موقع تيك توك لرجل يدعى “أستاذ أيمن” خريج كلية اداب انجليزي، ويتحدث اللغة الانجليزية بطلاقة والفرنسية، يحكي معاناته مع الفقر والمرض ومأساته في عمله الذي فقده بعد الثورة مما دفعه للعمل كجامع علب كانز من الشوارع وبيعها لكسب قوت يومه، حيث يحكي بشكل يبكي العيون ويدمي القلوب وانتشر الفيديو كالنار في الهشيم.
يقول الاستاذ أيمن في الفيديو "انا خريج كلية اداب انجليزي، بتكلم عربي وانجليزي وفرنساوي، وساكن في الزمالك،
وكنت مساعد مدير شركة سياحة في مدينة شرم الشيخ لمدة 12 سنة، لكن جت الثورة وقعدت في البيت"
وأضاف أيمن حاكيا " بعد الثورة قعدت في البيت وعربيتي اتسرقت وفلوسي ضاعت في البورصة، بالاضافة ان امي اصيبت بسرطان كبد صرفت على علاجها اللي ورايا واللي قدامي على علاجها"
وتابع الاستاذ أيمن "كل ما اقدم في شغل دلوقتي يقولولي سنك كبير ومفيش فرصة، وكان قدامي حل من تلاتة،
اما اسرق، او أمد ايدي واشحت من الناس في الاشارات وابيع مناديل والجوا دا، لكن انا مرضتش خالص،
فمكنش قدامي غير اني الم كانزات من الشوارع وابيعها"
واختتم الاستاذ أيمن كلامه قائلا " طلبي الوحيد ان ياريت لو حد يقدر يوفرلي شغل مناسب يكون مساعدة كويسة جدا ليا، واكون شاكر ليه جدا "انك يو فيري ماتش، وانا بتكلم عربي وانجليز وفرنساوي".
