EN 
أحال المحامي العام الأول لنيابة جنوب الجيزة المتهم بإكراه زوجته على توقيع إيصالات أمانة والتعدي عليها بالقوة إلى محكمة الجنايات. وفيما يلي ننشر نص اعترافات أحد الشهود.
نص اعترافات أحد الشهود
س: استشهدت بك المجنى عليها فما شهادتك ؟
ج: هو اللي أنا اعرفه إن أنا كنت مره قاعد مع عم المتهم جه قالى:إن ابن اخوه واخد ايصـالات على مراته علشـان يذلها وإن هو ميعرفش هو أخدها غصب عنها ولا برضاها وده كل اللي أنا أعرفه.
س : وما الذي شاهدته تحديدا ؟
ج : هو أنا مشفتش حاجه واللي سمعته قولت علیه
س: وهل شاهدت واقعة إكراه المجني عليها ؟
ج: لا أنا مشفتش حاجه هو اللى أعرفه إنه واخد ايصالات عليها علشان يذلها .
كانت المجني عليها قد قالت في أقوالها:"هو اللي حصل أن حصل خلافات بینی وبین جوزی علشان بيقولى أنا هتجوز عليكي فأنا قولتله اتجوز بس تدينى كل حقوق فقالی ماشی بس تمضيلى على الثلاث إيصالات أمانة دول فقولتله انا مش همضى على حاجه فقالی انتى هتمضى غصب عنك فأنا خفت منه علشان كان بيضرب، فمضيت وبصمت غصب عنى وفضلت عنده في البيت حوالي شهرين بعد ما مضيت مرضيش يوديني عند بيت أبويا وبعد الشهرين دول سابني وروحت عند بيت أبويا وحكتله على اللي حصل وعملنا محضر وده كل اللي حصل".
