منى زكي على إنستجرام: نتمني إعادة النظر في مسألة الوصاية.. شاهد

شاركت الفنانة مني زكي، صوراً جديدة في أحدث ظهور عبر حسابها الشخصي على موقع التواصل الاجتماعي إنستجرام.

وعلقت منى زكي عن نهاية مسلسلها الجديد “تحت الوصاية”: مع انتهاء موسم رمضان حابه أوجه الشكر لجمهوري في مصر والوطن العربي كله على كل التشجيع والحب اللي وصلني منكم شكرا لكل شخص أخد من وقته وكتب كلمة حلوة عن مسلسل#تحت_الوصاية و أحب كمان أوجه الشكر لناس كتير جدا بداية من المخرج العظيم محمد شاكر خضير اللي عارف اللي في قلبي تجاههوقد إيه هو فنان موهوب وعنده رؤية وحساس جدا وعلى المستوى الشخصي إنسانيته تفوق أي شيء أنا شوفته قبل كده أنا بأدين له بكل الفضل على أي حاجة حلوة في المسلسل. بشكر المنتج الكبير محمد السعدي وشركة ميديا هب، وخالد وشيرين دياب على الفكرة والموضوعوالإبداع اللي مش جديد عليهم وبيبهرونا في كل عمل جديد بمواضيع مهمة، ومدير التصوير المتميز بيشوي روزفلت اللي قدّم صورة عالمية  وأحمد حافظ المونتير العالمي اللي اتشرفنا بوجوده معانا و الإشراف الفني و الديكور للمهندس محمد عطية اللي موهبته طاغية في الوطن العربي كله والشاطرة مصممة الأزياء العدل و الموسيقي التصويرية للمبدعه ليال وطفه و بشکر مساعدين الإخراج على تعبهم ومثابرتهم.. وقسم الإنتاج وعلي رأسهم المنتج الفني هاني عبد الله وكل رجالته.. ومهندس الصوت إسلام عبد السلام رامي الجندي، ومساعدتيالشخصية شيماء.. وطبعا فريق وكالة جينجر. ریم وقبل أي حاجة بوجه الشكر طبعا لزمايلي في المسلسل اللي كلهم معجونین موهبة ولولاهممكنش #تحت_الوصاية ظهر بالشكل ده.. حقيقي هما كتلة من المواهب المتحركة وعاشقين للفن من أكبر حد فيهم لحد البنوتة الصغيرة الليفاجئتنا كلنا وأخيرا مش ممكن أنسى أهالى عزبة البرج وأجدع صيادين في مصر.. واللي حسسوني أني بقيت واحدة منهم طول فترةاستضافتهم لينا. حقيقي فرحت بتعليقاتكم وتفاعلكم مع المسلسل وأتمنى إنه يكون نقطة بداية لإعادة النظر في قوانين الوصاية وإعطاء الأمهات الحق في أولادهم.. الزمن بيتغير والأوضاع بتتغير والمرأة والأم والزوجة مش عنصر هامشي، دي الأساس اللي قايم عليه كل البيوت، وهي الأصل في حياة أولادها.. وكذلك الأب.. لذلك نتمنى من المشرّع إعادة النظر في مسألة الوصاية وفي بنود كتير في قانون الأحوال الشخصية عشان نحفظ حقوق الأولاد والآباء والأمهات.