كوكا: "لما توفيق عكاشة يتكلم كده على أبو تريكة يبقي البلد ماشية من ورا"

أبدى المهاجم المصري الشاب أحمد حسن كوكا لاعب فريق ريو أفي البرتغالي استياءه الشديد من هجوم الدكتور توفيق عكاشة رئيس قناة الفراعين على محمد أبو تريكة نجم الأهلي ومنتخب مصر.
وقال كوكا: "لما توفيق عكاشة يتكلم كده علي أبو تريكة يبقي البلد ماشية من ورا .. حسبي الله و نعم الوكيل".
وأضاف: "ازاي عكاشة يشتم أبو تريكة .. ده انت كنت تحلم تاخد صورة معاه لو شوفته".
وتابع: "معلش هو مين اصلا توفيق عكاشة .. آه اللى بيخلينا نضحك و نتريق عليه في التليفزيون".
ودافع كوكا عن تريكه قائلا "اصلا أبو تريكه مالوش دعوه بالسياسة، حتي لو مع الإخوان ولا عمري شوفته بيتكلم عن السياسه".
وأكمل تصريحاته قائلا "أبو تريكه اخوان أو مش اخوان دي حريه شخصيه ، بس هو عمره ما اتكلم في السياسه ولا ليه دعوه بيها، لكن ليه يقولوا عليه كلام كذب".
واختتم تصريحاته قائلا "دول عالم كذابة .. ابو تريكة وصل ومشي مع الفريق على طول ولا اتكلم مع ضابط ولا غيره.. كفاية كذب هتروحوا من ربنا فين".