بالفيديو.. لو رجعت لعصر الفراعنة "هتاخد مين معاك".. شباب: هاخد بنتي وأمها ربنا يسهلها.. بنات : معنديش بوي فرند

وجهت عدسة "صدى البلد" سؤالا للشباب بعنوان لو رجعت لعصر الفراعنة هتسمى نفسك أيه ومين هتاخده معاك؟
قال الشاب كريم محمد: "أنا لو رجعت للعصر الفرعونى مش واخد غير حبيبتى علشان نفسى تكون جنبى دايما، وهسمى نفسى مينا علشان أكون بطل وشجاع والتاريخ يذكرنى، والطلبة تقرأ عنى فى الكتب وهشتغل بطل فى الحروب".
وأضاف محمد أمين: "لو روحت العصر الفرعونى مش هاخد معايا غير بنتى علشان لو سيبتها مفيش حد هيرحمها، أما أمها ربنا يسهل عليها وتستنى فى العصر ده، ولا تروح العصر الرومانى هى حره، أما عن نفسى بحب العصر الفرعونى، وهشتغل فى الزراعة لأنها الشغلانة الوحيدة اللى كانت متوفرة، ومش هوافق غير باسم إيزوريس".
فيما تدخل فى الحديث عمرو جمال قائلا "هسمى نفسى أحمس ومش واخد معايا غير خطيبتى لانى بحبها وهشتغل فى صناعة السلاح والأدوات الحربية علشان أعمل شوية فلوس أأمن بيهم مستقبل العيال".
وقالت هناء: "لو رجعت للعصر الفرعونى مش هأخد معايا غير صاحبتى لأن معنديش "بوى فرند" وهسمى نفسى كليوباترا العظيمة وهكون فى خدمة الملوك.
وتابعت سمر محسن: "هشتغل ملكة ومش هاخد عيالى وهخلى الشعب يهويلي".