كشرى البحراوى بطريقة الشيف حسن

نقدم لكم طريقة عمل الكشرى البحراوى بطريقة الشيف حسن.
المقادير:
50 جم سمن
100 جم بصل مكعبات
1 مكعب مرق
250 جم عدس اصفر
2\1 كيلو ارز
5 جم كمون
5 جم ملح
1 لتر ماء مغلى
(البصله)
250 جم بصل شرائح
20 مل خل
200 جم دقيق
1 لترزيت للقلى
(الصلصه)
50 جم سمن
100 جم بصل مكعبات
25 جم ثوم مفروم
15 مل خل
2\1 كيلوعصيرطماطم
50 جم صلصه
5 جم ملح
5 جم كمون
5 جم سكر
( البيض)
5 بيضات مسلوقه
50 جم سمن
2\1 ملعقه كركم
5 جم ملح
5 جم فلفل
طريقة التحضير:
-نحمر البصل فى اناء على النار به سمن وعندما يدبل نضيف عدس اصفر ونقلبهم مع بعض.
-نضيف مكعب مرق ونقلبهم مع بعض ونضيف ارز ونقلبهم مع بعض ونتبله ملح وكمون ونضيف عليهم ماء مغلى ونقلبهم جيدا.
- عندما يتشرب الماء نخفض النار عليه ونتركه ينضج على نارهادئة.
-لعمل الصلصة:
- فى اناء على النار نشوح بصل فى سمن ولمه يدبل نضيف ثوم ولمه يدبل نضيف خل وصلصة ونقلبهم مع بعض.
ونضيف عصير طماطم ونتبله ملح وكمون وسكر ونقلبهم مع بعض ونتركها تتسبك على نار هادئة.
لعمل البصل:
-فى بوله نضع خل على البصل ونقلبهم مع بعض ونصفى من الخل ونضيف عليه دقيق ونقلبهم مع بعض ونسيبها فى الدقيق لمدة ساعه على الاقل
-فى طاسة على النار فيها زيت نحمر البصل ويكون لونه ذهبى غامق ونصفيه ونضعه فى بولة.
- لعمل البيض:
فى اناء على النار فى سمن نضع البيض ونتبله ملح وفلفل وكركم ونحمر البيض ياخد لون اصفر فاتح
-فى طبق التقديم نغرف الكشرى البحراوى ونضع عليه كبشة صلصة ثم نضع عليه البيض المحمر.