أحمد مسعود يكتب: حادث أسيوط

عادي الصبح يموت أطفال
بعد الضهر الريس قال
قشطة هنصرف بعض المال
خلينا ف غزة واطفالها
بعد شوية نهائي الكاس
ع الكافيهات مترصص ناس
والراجل واقف محتاس
ومراته بتبكي على عيالها
والأهلي يجيب أول جون
والراجل زي المجنون
ويسب ويهتف ملعون
أم الكورة ده انا ابني انداس
خمسين أب وأم اليوم
خمسين بيت نايم مهموم
والشعب يظأطت موهوم
بالكورة ويهتف بحماس
والكشاكيل غرقانة ف دم
أشلاء الأطفال تتلم
ويقولك بزيادة الغم
شغل يا ابني الماتش وهيص
والراجل بيموت م الحسرة
مش قادر يصرخ م الكسرة
ومراته بتبكي ومنكسرة
قاعدة بتحضن ف الكراريس
وعيال ف الشارع بتموت
مش بس في حادثة أسيوط
وبيقروا في ميكي وبطوط
إن الناس عايشين في سلام
قالوا إن إحنا في كل مكان
الدنيا جميلة وألوان
بس الفصل هايبقى صوان
من بكرة مافيش تاني كلام