رامي صبري: "الناس بتبان في الشدة" أغنية عبرت عن حياتي

حقق النجم رامي صبري نجاحا كبيرا من خلال أغنية "الناس بتبان في الشدة" والتي طرحها مؤخرًا.

وقال "صبري" عبر حسابه الخاص على "فيس بوك": "أغنية الناس بتبان في الشدة دي مش اغنيه بس … ده موقف حصل معايا والموقف ده خلاني شفت ناس مش كتير الحقيقة بطريقة مختلفة … خلاني شفت ان كل حد بتعرفه في الحياة هو اللي بيختار انه يعيش معاك أو علاقته بيك تبقي قد ايه بتصرفاته معاك … يعني هو اللي بيخليك تطول علاقتك بيه أو تصغرها … وفِي وقت لما يحصلك مشكله في حياتك هو بيعتقد انك مش هتخرج من مشكلتك وخلاص كده انت مش هترجع تاني".

وأضاف: "هنا بقي بتبان كل حاجة ! بيبان الصاحب اللي مش بيشوف انك مش هترجع تاني وبتبان الناس كلها علي حقيقتها وبتشوف كل الناس بجد ساعتها المشكله اللي يتبقي فيها بتهون عشان بتحس ان ربنا وراك حاجات عمرك ماكنت هتشوفها الا لو كانت حصلتلك أزمة في حياتك بجميع أنواعها بقى".

وتابع: "عشان كده لازم نقول الحمدلله على اللي ربنا كتبهولنا ومنعترضتش علي اي حاجة بتحصلنا… وفى الاخر بقول فالأغنية انا اللي حصلي علمني مابصش علي اللي راح مني وعزة نفسي قوتني مكسرتنيش انا ابقي على اللي يستاهل مش اللي يبعني بالساهل بشوفهم عادي واتجاهل ميلزمونيش… وانا بمسح من حياتي اللي ما بين البنين وبشيل من ذكرياتي الناس الكدابين".