عادل مصطفى يكتب : أنا الشهيد

بلدى--- بلدى يلى ليكى احلى كلام من القلب يتقال
بلدى يلى ليكى جمايل عليه فالقلب وعالراس تتشال
بلدى يلى قالو عليكى ترابك دهب والزرع فيكى ماس
بلدى يلى فيكى الضنا غالى
وعلى كرامتنا منقبل ابدا انها تنداس
بلدى يلى فيكى اتربيت
ومشيت كتير فيكى وكبرت
بلدى يلى حاربت عشانك
ودمى راح فداكى وفرحت
على رمل سينا ركعت وصليت
وفميدانك وقفت وحييت
وبأعلى صوت ليا ناديت
ربنا يحميكى لينا يامصر
انا الشهيد - انا الشهيد اللى دمه سال وسط الميدان علشان عيون بلدى
أنا الشهيد- انا الشهيد اللى دمه سال على رمل سينا علشان تعود بلدى
انا المصرى
انا اللى خرجت ومرجعتش
وملحقتش ابوس ايد امى ومفرحتش بيوم فرحى
بس انهارده فرحى وزفتى وبدلتى علم بلدى
وانتى ياما متزعليش ولا تبكيش
اخرجى زغرطى وافرحى
دنا النهارده فرحى وحنتى تراب بلدى
انا مش زعلاان ياما ولا ندمان
دنا حتى يومها مهمنيش
لا رصاص ولا خراطيش
كان اهم حاجه عندى ان بلدى تعيش
يعنى كان عجبك الحال اللى احنا فيه
شغل مفيش ولو رحت اقدم يقول انتا تبع مين
ولو مفيش وسطه يبقا محناش عيزين
ولو طلعت كارت فلان ولا فلان
يقول مبروك قبلت خش وعيش
كان عجبك رغيف العيش
يوم فيه وعشره مفيش
ولو لقيناه نلقيه كلو رمل وبيقرقش قراقيش
كان عجبك الميه اللى نشربها نعيا
وحق الكشف منلقيش
وان لقيناه ورحنا على مستشفى حكومه
وقلنا فين العلاج منلقيش
كان عجبك حالى انا واخواتى فالتعليم
لادكه فاضيه ولا مدرس يحترم كلمه تعليم
وان قلنا ياستاذ محناش فهمين
يقولنا انتم اخركم شويه برسيم
احكيلك ايه ولا ايه ياما
خلاص فاض بينا ومش قادرين
شوفى بقلنا ادئيه متخرجين وقاعدين
حتى الشغل محناش لقيين
مكنش فى غير التغيير
وبعدين هو احنا كنا عيشين
احنا كنا مدفونين بس مش حاسين
وعملين نقاوح ونقول بلدنا فيها خير
لحد مصحينا لقيناها بتتسرق منا وسكتين
وكنتى عيزانى افضل ساكت ياما
اوعى تزعلى ياما او حتى تفكرى انى روحت بلاش
دا فى غيرى كتير وكتير
كان نفسهم يبقوا مكانى
بس المهم ان بلدهم تعيش
هتوحشينى ياما